لارڈز، دوسرے ون ڈے میں پاکستان کو چاروکٹوں سے شکست،انگلینڈکو2-0کی برتری حاصل
انگلش ٹیم نے252رنزکاہدف47.3اوورزمیں چھ وکٹوں کے نقصان پرپوراکرلیا،جوروٹ89 اورمورگن نے68رنزکی اننگزکھیلی کرس ووکس اورمارک ووڈ نے تین،تین وکٹیں حاصل کیں،جوروٹ کو89رنزکی اننگزکھیلنے پرمین آف دی میچ قراردیاگیا،
ہفتہ 27 اگست 2016 23:10
لارڈز(اُردو پوائنٹ اخبارتازہ ترین - این این آئی۔27 اگست ۔2016ء) انگلینڈ نے دوسرے ون ڈے میں پاکستان کوچاروکٹوں سے شکست دیکرسیریزمیں2-0کی برتری حاصل کرلی،انگلینڈنے252رنزکاہدف47.3اوورزمیں چھ وکٹوں کے نقصان پرپوراکرلیا،جوروٹ89 اورمورگن نے68رنزکی اننگزکھیلی،پاکستان کے سات کھلاڑی ڈبل فگرمیں داخل نہ ہوسکے، چارکھلاڑی صفرپرآؤٹ،سرفراز کی سنچری اورعمادوسیم کے63رنزبھی ٹیم کوشکست سے نہ بچاسکے،کرس ووکس اورمارک ووڈ نے تین،تین وکٹیں حاصل کیں،جوروٹ کو89رنزکی اننگزکھیلنے پرمین آف دی میچ قراردیاگیا۔
پاکستان اورانگلینڈ کے درمیان پانچ میچوں کی سریزکے دوسرے میچ میں پاکستانی کپتان اظہر علی نے ٹاس جیت کر پہلے بیٹنگ کرنے کا فیصلہ کیا ۔پاکستان کو پہلا نقصان اس وقت ہوا جب تھرڈ امپائر نے ایک متنازع فیصلے میں سمیع اسلم کو آؤٹ قرار دے دیا۔(جاری ہے)
سمیع اسلم نے کرس ووکس کی اٹھتی ہوئی گیند پر شاٹ کھیلنے کی کوشش کی تو گیند کیپر کے گلوز میں گئی۔
انگلینڈ کے کھلاڑیوں نے کیچ آؤٹ کی اپیل کی جسے فیلڈ امپائر نے رد کردیا تو انگلش کپتان نے ریویو لیا۔تھرڈ امپائر نے ہاٹ سپاٹ پر کوئی نشان نظر نہ آنے کے باوجود ’سنیکو‘ کی ہلکی آواز پر سمیع اسلم کو آؤٹ قرار دیا۔ شرجیل خان اور کپتان اظہر علی خوبصورت گیندوں پر آؤٹ ہو کر پویلین لوٹ گئے۔ اس کے بعد بابر اعظم اور سرفراز احمد نے چوتھی وکٹ کی شراکت میں 63 گیندوں پر 64 رنزبناکرپاکستان کومشکل صورتحال سے نکالا۔بابر اعظم نے پراعتماد بیٹنگ کی اور 33 گیندوں میں پانچ چوکوں کی مدد سے 30 رنز سکور کیے ان کو پلنکٹ نے بولڈ کیا۔پاکستان کو پانچواں نقصان 125 رنز کے مجموعی سکور پر ہوا جب شعیب ملک 35 گیندوں میں 28 رنز بنا کر وْڈ کی گیند پر کیچ آؤٹ ہوئے۔پاکستان کی چھٹی وکٹ 43 ویں اوور میں گری جب سرفراز احمد راشد کی گیند پر کیچ آؤٹ ہوئے۔ سرفراز نے 129 گیندوں پر چھ چوکوں کی مدد سے 105 رنز بنائے۔حسن علی پلنکٹ کی گیند پر بغیر کوئی رن بنائے کیچ آؤٹ ہوئے۔پلنکٹ نے ووکس کی گیند پر وہاب ریاض کا شاندار کیچ پکڑا۔ وہاب چھ رنز سکور کر سکے۔پاکستان کے نویں آؤٹ ہونے والے کھلاڑی یاسر شاہ تھے جو صفر پر کیچ آؤٹ ہوئے۔محمد عامر آخری اوور میں چھ رنز بنا کر رن آؤٹ ہوئے۔جبکہ عماد 63 رنز بنا کر ناٹ آؤٹ رہے۔انگلینڈ کی طرف سے کرس ووکس اورمارک ووڈ نے تین،تین،پلنکٹ نے دو جبکہ عادل رشید نے ایک وکٹ حاصل کی۔252رنزکے ہدف کیلئے انگلینڈ کی جانب سے جیسن روئے اورالیکس ہیلزنے اننگزکاآغازکیا۔ پاکستان کی جانب سے محمدعامرنے دوسری ہی گیند پر روئے بولڈ کردیا۔پاکستان کو دوسری کامیابی اس وقت ملی جب عماد وسیم نے ہیلز کو بولڈ کیا۔ ہیلز صرف 14 رنز سکور کر سکے۔روٹ اور مورگن نے پراعتماد بیٹنگ کر کے نصف سنچریاں سکور کیں۔ دونوں نے تیسری وکٹ کی شراکت میں 112 رنز بنائے۔پاکستان کو تیسری کامیابی اعماد وسیم نے دلوائی جب انھوں نے مورگن کو 68 کے انفرادی سکور پر بولڈ کیا۔حسن علی نے 38 ویں اوور میں سٹوکس کوبولڈکرکے پہلی وکٹ حاصل کی ۔ سٹوکس نے 30 گیندوں پر 42 رنز بنائے ۔انگلینڈ کی پانچویں وکٹ 41 ویں اوور میں گری جب بٹلر چار رنز بنا کر رن آؤٹ ہو گئے۔وہاب ریاض نے وکٹ پرسیٹ بلے باز جو روٹ کو آؤٹ کیا۔ روٹ نے 107 گیندوں میں 89 رنزکی اننگزکھیلی۔معین علی اورکرس ووکس نے47.3اوورزمیں 252رنزکامطلوبہ ہدف پوراکرلیا،معین علی21جبکہ ووکس7رنزبناکرناقابل شکست رہے۔پاکستان کی جانب سے عماد وسیم نے دوجبکہ محمدعامر،حسن علی اوروہاب ریاض نے ایک،ایک وکٹ حاصل کی۔مزید کھیلوں کی خبریں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں بال بال بچ گئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
پاکستان اورویسٹ انڈیزکی ویمن کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.