سانحہ کوئٹہ پر خیبر پختونخوا کے عوام اور حکومت کو صدمہ پہنچا ہے، مظفر سید ایڈووکیٹ
مصیبت کی ہر گھڑی میں بلوچ بھائیوں ،حکومت کیساتھ ہیں ،دہشت گردی کے خلاف پوری قوم سیسہ پلائی دیوار بن چکی ہے، وزیر خزانہ کے پی کے
ہفتہ 27 اگست 2016 22:12
پشاور(اُردو پوائنٹ اخبارتازہ ترین - این این آئی۔27 اگست ۔2016ء) خیبر پختونخوا کے وزیر خزانہ مظفر سید ایڈوکیٹ نے کہا ہے کہ کوئٹہ خودکش دھماکہ پر خیبر پختونخوا کے عوام اور حکومت کو یکساں صدمہ پہنچا ہے مصیبت کی ہر گھڑی میں ہم بلوچ بھائیوں اور حکومت کے ساتھ ہیں دہشت گردی کے خلاف پوری قوم سیسہ پلائی دیوار بن چکی ہے کیونکہ پوری دنیا جان چکی ہے کہ ملک و قوم دشمن قوتیں یہاں دہشت گردی کی پشت پناہی کر رہی ہیں جنہیں پاکستان کی ترقی ایک آنکھ نہیں بھاتی بالخصوص وہ سی پیک منصوبے کو ناکام بنانے کے درپے ہیں جو ہماری قومی خوشحالی کا عظیم منصوبہ ہے ۔
ان خیالات کا اظہار انہوں نے صوبائی اسمبلی کے سپیکر حاجی اسد قیصر کی سربراہی میں بار کونسل کے وکلاء اور صحافیوں کے ہمراہ سانحہ کوئٹہ پر اظہار تعزیت کے دورہ بلوچستان کے موقع پر بلوچستان کے گورنر ، وزیر اعلیٰ، ہائی کورٹ بار کونسل کے وکلاء متاثرین کے ورثاء اور پریس کلب کوئٹہ کے عہدیداروں سے ملاقات کے دوران کیا۔(جاری ہے)
مظفر سید ایڈوکیٹ نے کہا کہ بلوچستان میں حاضر سروس بھارتی نیوی آفیسر اور راء کے ایجنٹ کی گرفتاری اور اقرار جرم سے واضح ہے کہ پاکستان میں گزشتہ کئی دہائیوں سے جاری دہشت گردی کے تانے بانے ہمسایہ ملک بھارت سے جا ملتے ہیں جس نے ہم پر غیر اعلانیہ جنگ مسلط کی ہے اور خیبر پختونخواہ کے عوام سب سے زیادہ اور پہلے شکار بنے۔
پاکستان کے تحفظ اور دہشت گردی کے خاتمے کیلئے پاک فوج کے ساتھ ساتھ یہاں کے عوام اور پولیس نے جان و مال کی لازوال قربانیاں دی ہیں۔ آج دشمن نے بلوچستان کو نشانہ بنایا ہے تاہم مشکل کے ان لمحات میں بلوچ عوام اکیلے نہیں بلکہ پوری قوم انکی پشت پر ہے مظفر سید ایڈوکیٹ وفد کے ہمراہ بلوچ حکومت کے زعماء کے علاوہ شہید وکلاء اور صحافیوں کے گھروں پر بھی گئے اور انکے ورثاء سے اظہار تعزیت کیا اور فاتحہ خوانی کی۔متعلقہ عنوان :
مزید قومی خبریں
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
-
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
-
رسول خدا احمدِ مجتبیٰ محمد مصطفیٰ کے تمام صحابہ و اہل بیت باکمال تھے،ثروت اعجاز قادری
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.