سی بی اے نے رجسٹرار قومی صنعتی تعلقات کمیشن میں ادارہ واپڈا محکمہ بجلی میں ملک گیر ریفرنڈم کروانے کیلئے باقاعدہ درخواست جمع کروادی

لاہور (اُردو پوائنٹ اخبارتازہ ترین - این این آئی۔27 اگست ۔2016ء) آل پاکستان واپڈا ہائیڈرو الیکٹرک ورکرز یونین (سی بی اے) نے رجسٹرار قومی صنعتی تعلقات کمیشن میں ادارہ واپڈا محکمہ بجلی میں ملک گیر ریفرنڈم کروانے کے لئے باقاعدہ درخواست جمع کروادی ۔اس سے پہلے قومی سطح پر پانچ ریفرنڈم ہوچکے ہیں ۔

(جاری ہے)

رجسٹرار نے واپڈا اور پیپکو انتظامیہ کو نوٹس جاری کردئیے ہیں جبکہ ورکرز یونین نے ریفرنڈم میں شرکت کے لئے اپنے ایک لاکھ پچاس ہزار ممبران کی لسٹیں اور کوائف پیش کرنے کی تیاری شروع کردی ہے گزشتہ منعقدہ ریفرنڈم میں ورکرز یونین نے 77095 ووٹ حاصل کرکے ہزاروں ووٹوں کی بھاری اکثریت سے کامیابی حاصل کی تھی بعد ازاں مخالف پیغام یونین نے معزز عدالت عالیہ سپریم کورٹ آف پاکستان میں اس کامیابی کو چیلنج کیا ڈویژنل بینچ جو جسٹس انور ظہیر جمالی اور جسٹس اعجاز احمد چوہدری نے اپنے حکم میں دیا کہ پورے ملک میں اکثریتی ووٹوں سے کامیاب ہونے والی یونین کو خوامخواہ کے اعتراض سے کینسل نہیں کیاجاسکتا کیونکہ گزشتہ ریفرنڈموں میں مسلسل ناکام ہونے والی یونین صرف ٹیکنیکل گراؤنڈ پر آل پاکستان واپڈا ہائیڈرو الیکٹرک ورکز یونین کو نقصان پہنچانا چاہتی ہے اس بنیاد پر رٹ خارج کردی گئی تھی اس موقعہ پر بزرگ مزدور رہنما خورشید احمد جنرل سیکرٹری نے کہا کہ وہ واپڈا محکمہ بجلی کی انتظامیہ قانون کے مطابق ریفرندم کے انعقاد کے لئے ملازمین کی لسٹیں رجسٹرار NIRC کو پیش کرے تاکہ کارکن اپنا جمہوری حق استعمال کرکے قومی بنیا د پر اجتماعی سودا کار یونین منتخب کرسکیں اور ادارہ محکمہ بجلی واپڈا کی تعمیر و ترقی اور بجلی کے صارفین کو اعلیٰ خدمات دینے کی جدوجہد کو کامیابی سے ہمکنار کرکے وطن عزیز پاکستان میں صنعتی ترقی اور بیروز گاری کا خاتمہ یقینی بنا سکیں۔