اسلام آباد سمیت مختلف علاقوں میں موسلا دھار بارش سے نشیبی علاقے زیر آب،موسم خو شگوار ہوگیا
ہفتہ 27 اگست 2016 13:05
اسلام آباد /لاہور (اُردو پوائنٹ اخبارتازہ ترین - آئی این پی۔27 اگست ۔2016ء ) وفاقی دارالحکومت سمیت لاہور اور پنجاب کے مختلف علاقوں میں موسلا دھار بارش کے باعث نشیبی علاقے زیر آب آ گئے جب کہ کئی علاقوں میں بجلی کی فراہمی بھی معطل ہو گئی،اسلام آباد میں بارش سے سڑکوں پر پانی جمع ہو گیا جس سے ٹریفک کی روانی شدید متاثر ہوئی ، لاہور میں تیز بارش کے باعث لیسکو کے ایک175 فیڈر ٹرپ کر گئے جس کے باعث شہر کے کئی علاقوں میں بجلی کی فراہمی معطل ہوگئی اور تاحال ان کی مرمت کا کام شروع نہیں کیا جاسکا، گرین ٹاوٴن میں بارش کے باعث خستہ حال چھت گر گئی جس کے نتیجے میں دو افراد زخمی ہوئے جنہیں ہسپتال منتقل کردیا گیا ۔
اسلام آباد ،لاہور اور گردو نواح میں ہفتہ کو موسلا دھار بارش کا سلسلہ جاری رہا۔(جاری ہے)
شدید بارش کے باعث لاہور میں اچھرہ، شادمان، مسلم ٹاوٴن، ہربنس پورہ، گڑھی شاہو، پنجاب یونی ورسٹی، رائے ونڈ روڈ، چائنا اسکیم، شاد باغ، ڈیوس روڈ، کینال روڈ، فیروزپور روڈ، مصری شاہ روڈ، موریہ پل اور اعظم ٹاوٴن میں سڑکوں اور انڈر پاسز میں پانی جمع ہو گیا جب کہ کئی نشیبی علاقوں گھروں میں بھی پانی جمع ہو گیا ۔
تیز بارش کے باعث سڑکوں پر پانی ہونے سے شدید ٹریفک جام ہو گیا اور گاڑیوں کی لمبی قطاریں لگ گئیں جس کی وجہ سے بچوں کو سکول جانے اور شہریوں کو دفاتر جانے میں شدید مشکلات کا سامنا کرنا پڑا۔ بارش کے باعث کئی علاقوں میں بجلی کی فراہمی بھی معطل ہو گئی ۔ بارش کے باعث علامہ اقبال انٹرنیشنل ایئرپورٹ پر فلائٹ آپریشن بھی معطل کر دیا گیا۔ تیز بارش کے باعث لیسکو کے ایک سو پچہتر فیڈر ٹرپ کر گئے جس کے باعث شہر کے کئی علاقوں میں بجلی کی فراہمی معطل ہوگئی اور تاحال ان کی مرمت کا کام شروع نہیں کیا جاسکا۔لاہور کے علاقے گرین ٹاوٴن میں بارش کے باعث خستہ حال چھت گر گئی جس کے نتیجے میں دو افراد زخمی ہوئے جنہیں اسپتال منتقل کردیا گیا ۔ دوسری جانب محکمہ موسمیات کا کہنا ہے کہ بارش کا یہ سلسلہ آئندہ 3 روز تک جاری رہنے کا امکان ہے۔واضح رہے کہ دو روز قبل بھی شدید بارش کے باعث لاہور کے نشیبی علاقوں میں کئی کئی فٹ تک پانی جمع ہونے سے معمولات زندگی درہم برہم ہو کر رہ گیا تھا۔متعلقہ عنوان :
مزید موسم کی خبریں
-
لاہور میں سورج کی تپش سے گرمی کا زور بڑھ گیا
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.