جنرل راحیل شریف کا افغان صدر اشرف غنی سے ٹیلیفونک رابطہ
افغانستان میں امریکی یونیورسٹی پر دہشتگردوں کے حملے کی شدید مذمت ،سوگوار خاندانوں سے اظہار ہمدردی حملے میں استعمال ہونیوالے تین افغان موبائل فون نمبرز کے حوالے سے ہر طرح کی معلومات فراہم کرنیکی یقین دہانی
جمعرات 25 اگست 2016 22:09
راولپنڈی(اُردو پوائنٹ اخبارتازہ ترین - این این آئی۔25 اگست ۔2016ء) چیف آف آرمی سٹاف جنرل راحیل شریف نے افغانستان میں امریکی یونیورسٹی پر دہشتگردوں کے حملے کی شدید مذمت کرتے ہوئے اس عزم کا اعادہ کیا ہے کہ پاکستانی سر زمین افغانستان میں کسی طرح بھی دہشتگردی کیلئے استعمال کرنے کی اجازت نہیں دی جائیگی جبکہ افغان صدر سے ٹیلیفونک گفتگو کے دوران حملے میں استعمال ہونیوالے تین افغان موبائل فون نمبرز کے حوالے سے ہر طرح کی معلومات فراہم کرنے کا یقین دلایا ہے ۔
آئی ایس پی آر کے مطابق چیف آف آرمی سٹاف جنرل راحیل شریف نے افغان صدر اشرف غنی کو ٹیلی فون کیا اور گزشتہ روز کابل میں امریکن یونیورسٹی آف افغان پر دہشتگردوں کے حملوں کی شدید مذمت کی ۔ انہوں نے سوگوار خاندانوں کے ساتھ ہمدردی کا اظہار کیا ۔(جاری ہے)
آرمی چیف نے کہا کہ پاکستانی سر زمین افغانستان میں کسی بھی طرح کی دہشتگردی کیلئے استعمال کرنے کی اجازت نہیں دی جائیگی۔
آئی ایس پی آر کے مطابق افغان حکام نے تین موبائل نمبرز کا تبادلہ کیا ہے جو مبینہ طور پر یونیورسٹی حملے میں استعمال ہوئے اور حملہ آوروں کے ساتھ رابطے میں تھے ۔ واضح رہے کہ افغان حکام کی جانب سے فراہم کئے گئے تین افغان موبائل نمبرز کی بنیاد پر پاکستان آرمی نے پاک افغان سرحد کے قریب مشتبہ علاقہ میں کومبنگ آپریشن کیا تاکہ شر پسندوں کی موجودگی کی تصدیق کی جا سکے ۔ شہادتوں اور کومبنگ آپریشن کی بنیاد پر ظاہر ہوتا ہے کہ حملے کے دوران استعمال ہونیوالے تمام افغان سمز ایک ایسے نیٹ ورک سے تعلق رکھتی ہے جو افغان کمپنی کی ملکیت ہے اور اسے افغان کمپنی ہی آپریٹ کر رہی ہے اور اسکے کچھ سگنلز پاک افغان سرحد کے ساتھ قریبی علاقہ تک بھی اثر کرتے ہیں ۔ اب تک ہونیوالے آپریشن کے نتائج افغان حکام سے شیئر کئے گئے ۔ موبائل فون نمبرز جو کہ تمام افغان نمبرز ہیں کا ٹیکنیکل تجزیہ کیا جا رہا ہے ۔ چیف آف آرمی سٹاف نے افغان صدر کو یقین دلایا کہ افغانستان کی جانب سے مزید معلومات کی دستیابی پر ہر طرح کا مکمل تعاون کیا جائیگا ۔متعلقہ عنوان :
مزید اہم خبریں
-
سرپردوپٹہ پہنانے پر خاتون رپورٹر کی مرد کو جھاڑ پلانے کی ویڈیو وائرل
-
گھریلو ملازمہ تشدد کیس،مرکزی ملزمہ سومیا عاصم کی حاضری استثنیٰ کی درخواست منظور
-
معاشی طور پر تباہ حال اٹالین حکومت کامعاشی فوائدکے لیے ”اسلام دشمنی “میں یورپ کا ہراول دستہ بننے کی کوشش
-
جج کے دفتر سے فون کرکے آئی جی پنجاب کوملازمین کی ترقی کاحکم دینے والے 2کانسٹیبل گرفتار
-
حکومت نے بینکوں سے ریکارڈ 55 کھرب روپے قرض لے لیا
-
صدرآصف علی زرداری کی ڈیرہ اسماعیل خان میں کسٹمز حکام پر دہشت گرد حملے کی مذمت
-
وزیر خزانہ محمد اورنگزیب کی انٹرنیشنل فنانس کارپوریشن کے منیجنگ ڈائریکٹر سے ملاقات،آئی ایف سی کی سرگرمیوں میں تیزی پر اطمینان کا اظہار
-
وزیرِاعظم کی ڈیرہ اسماعیل خان کے علاقے درابن میں کسٹمز حکام کی گاڑی پر حملے کی مذمت
-
وفاقی وزیرداخلہ محسن نقوی سے ایرانی سفیر ڈاکٹررضا امیری مقدم کی ملاقات، ایرانی صدر کے دورہ پاکستان کے حوالے سے گفتگو
-
ہیٹی: حکومتی رٹ ختم، مسلح گروہوں کے تشدد میں ہوشربا اضافہ
-
ایلون مسک کا ’ٹیسلا کی بھاری ذمہ داریوں‘ کی وجہ سے بھارت کا دورہ ملتوی کرنے کا اعلان
-
پہلی بیوی کی اجازت کے بغیر دوسری شادی کرنے والے شوہر کو 3 ماہ قید کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.