ایم کیو ایم کے قائد کی تصاویر اور بینرزہٹانے پر سیاسی جماعتوں کے رہنماؤں کا درعمل
10دن انتظار کریں،ایم کیوایم سے متعلق صورتحال واضح ہوجائیگی،شیخ رشید ،فارق ستار کی پریس کانفرنس ڈرامہ ہے،علی زیدی جوکام آج کیا گیا وہ دس سال پہلے کرنا چاہئے تھا،سینیٹر شاہی سید ، پاکستان توڑنے کی باتیں کرنیوالے کے خلاف سب ایک ہیں،وسیم آفتاب
جمعرات 25 اگست 2016 18:39
کراچی(اُردو پوائنٹ اخبارتازہ ترین - این این آئی۔25 اگست ۔2016ء) ایم کیو ایم کے گڑھ نائن زیرو ، مکا چوک اور جناح گراؤنڈ سے قائد ایم کیو ایم کی تصاویر اور بینرزہٹا دیئے گئے، اس پر سیاسی جماعتوں کے رہنماؤں کا درعمل سامنے آرہا ہے۔تفصیلات کے مطابق کراچی اور حیدر آباد میں مائنس الطاف حسین کی لہر چل پڑی ہے، کراچی میں ایم کیو ایم کے گڑھ نائن زیرو ، مکاچوک اور جناح گراؤنڈ سے قائد ایم کیو ایم کی تصاویر اوربینرزہٹا دیئے گئے ایسا ہی حیدر آباد اور لطیف آباد میں بھی ہوا۔
کراچی کی اس صورتحال پر عوامی مسلم لیگ کے سربراہ شیخ رشیدنے کہاکہ متحدہ سے متعلق فیصلہ جلد ہو جائے گا، پاکستان سے اہم کچھ نہیں، غیر ذمہ دارانہ باتیں کی گئیں، پاکستان ہے تو ہم سب ہیں۔شیخ رشید نے کہا کہ 10دن انتظار کریں،ایم کیوایم سے متعلق صورتحال واضح ہوجائے گی۔(جاری ہے)
پی ٹی آئی کے رہنماعلی زیدی نے کہا کہ فاروق ستار کی پریس کانفرنس ڈرامہ تھی، پاکستان مخالف باتیں کرنے والوں کی تصاویر شہر میں لگی ہی کیوں ؟۔
پاک سرزمین پارٹی کیرہنمارضا ہارون نے قائد ایم کیو ایم کی تصاویر ہٹانے کو ڈرامہ قرار دیتے ہوئے کہا کہ جو کچھ بھی ہورہا ہے وہ توجہ ہٹانے کے لئے کیا جارہا ہے۔جماعت اسلامی کراچی کے امیر حافظ نعیم نے قبضے کی زمین پر بنائے گئے متحدہ دفاتر گرانے کا مطالبہ کرتے ہوئے کہا کہ کراچی کے مسائل نمائشی اقدامات سے ختم نہیں ہونگے، کراچی میں کئے گئے قبضے ختم کرائے جائیں۔اے این پی کے رہنما شاہی سید نے کہا جوکام آج کیا گیا وہ دس سال پہلے کرنا چاہئے تھا، اردو بولنے والے بہت اچھے ہیں، انکا قائد اچھا نہیں تھا، پاکستان مخالف باتیں کرنے والے شخص کو جیل میں ہونا چاہئے۔شاہی سید نے کہا کہ اردو بولنے والوں نے پاکستان کے لئے قربانیاں دی ہیں، پہلے کہا تھا یہ بندہ غلط ہے اور راکے لئے کام کرتا ہے۔ئی) پاک سرزمین پارٹی کے رہنما وسیم آفتاب نے کہاہے کہ حب الوطنی کراچی کی عوام کے خون میں ہے۔ الطاف حسین پاکستان کے خلاف کام کررہاہے۔ انھوں نے سوال کیا کہ اس شخص کیخلاف اب تک کیاکارروائی ہوئی؟۔وسیم آفتاب نے واضح کیاکہ ہم نے ایم کیوایم کے خلاف کوئی گروپ نہیں بنایا۔حب الوطنی اس شہر کے لوگوں کے خون میں ہے۔وسیم آفتاب کاکہناتھاکہ پاکستان توڑنے کی باتیں کرنیوالے کے خلاف سب ایک ہیں۔ وسیم آفتاب کاکہناتھاکہ زندہ قومیں اسی طرح حب الوطنی کا مظاہرہ کرتی ہیں۔انھوں نے کہاکہ کراچی بانیان پاکستان کی اولادوں کا شہر ہے۔متعلقہ عنوان :
مزید اہم خبریں
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
چیف جسٹس قاضی فائز عیسیٰ نے پروٹوکول واپس کردیا
-
پنجاب پولیس نے حماد اظہر پر 33مقدمات درج کر رکھے ہیں، رپورٹ عدالت میں پیش کر دی گئی
-
احتساب عدالت نے عمران خان اوربشری بی بی کو ریاستی اداروں اورآفیشلزکیخلاف بیان دینے سے روک دیا
-
ملیریا پرقابو پانے کیلئے مشترکہ کوششوں کی ضرورت ہے،چیئر مین سینٹ
-
پاکستان عالمی ملیریا پروگرام کے تحت نئے اقدامات پر عمل درآمد کیلئے پرعزم ہے، صدرمملکت
-
پاکستان کے ساتھ انسانی حقوق کا معاملہ اٹھاتے رہیں گے، امریکہ
-
ایران کے صدر کا دورہ پاکستان بہت بڑی پیشرفت تھی،خواجہ آصف
-
مریم نوازوزیراعلیٰ سے ’پولیس آفیسر‘بن گئیں
-
پٹرولیم مصنوعات 7 روپے فی لیٹر سستی ہونے کا امکان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.