وزیراعلیٰ پرویز خٹک کے آبائی علاقے میں بجلی چوری، 22 افراد پر مقدمہ

فہد شبیر اتوار 21 اگست 2016 18:58

پشاور(اُردو پوائنٹ اخبارتازہ ترین۔21اگست۔2016ء) تبدیلی صرف سیاسی نعروں سے آگے نہ بڑھ سکی۔ وزیراعلیٰ خیبر پختونخوا کے آبائی علاقے مانکی شریف میں بجلی چوری کے تمام ریکارڈ ٹوٹ گئے۔ پرویز خٹک کے قریبی عزیز سمیت بائیس افراد پکڑے گئے۔ پیسکو حکام نے وزیراعلیٰ پر بجلی چوروں کی مدد کا الزام بھی لگا دیا۔وزیراعلیٰ خیبر پختونخوا پرویز خٹک کے آبائی علاقے مانکی شریف میں بجلی چوری کی صورتحال حد سے گزر گئی ہے۔

(جاری ہے)

بجلی چوروں نے ات مچائی تو پیسکو حکام کو بھی ہوش آ گیا۔ پھر آپریشن بھی کیا اور مقدمات بھی درج ہو گئے۔ وزیراعلیٰ کے قریبی عزیزوں سمیت بائیس افراد کو نامزد کر دیا گیا۔ ضلعی ناظم کا سیکریٹری بھی بجلی چور نکلا۔
پیسکو حکام کے مطابق مقدمہ درج ہونے پر ملزموں نے گرڈ سٹیشنز پر حملے کرائے جبکہ پرویز خٹک بھی ان کی مدد کر رہے ہیں۔ حکام کا کہنا ہے کہ خیبر پختونخوا میں لوڈ شیڈنگ اور اووبلنگ کی بڑی وجہ عدم ادائیگیاں بھی ہیں۔ صوبائی حکومت بجلی کی چوری روکنے میں کوئی مدد نہیں کر رہی۔

Facebook Twitter Google + Share on Whatsapp

وزیراعلیٰ پرویز خٹک کے آبائی علاقے میں بجلی چوری، 22 افراد پر مقدمہ

مزید اہم خبریں