وزیراعلیٰ کی زیرصدارت لاہو رنالج پارک کے بورڈ آف ڈائریکٹرز کا اجلاس، ابتدائی ڈیزائن اور ماسٹر پلان کا جائزہ
لاہورنالج پارک کا منصوبہ ملک کے تعلیمی شعبے میں ایک سنگ میل ثابت ہوگا‘شہبازشریف منصوبہ طلبا و طالبات کو جدید علوم اور ریسرچ سے روشناس کرانے میں اہم کردار ادا کرے گا لاہور کے بہترین مقام پر نالج پارک کے قیام سے تعلیمی شعبے میں ایک انقلاب آفرین مثبت تبدیلی آئے گی لاہو رنالج پارک کا منصوبہ نوجوانوں کو اعلیٰ تعلیم دے کر بااختیار بنانے کے حکومتی اقدامات کا تسلسل ہے‘وزیراعلیٰ
ہفتہ 20 اگست 2016 19:43
لاہور(اُردو پوائنٹ اخبارتازہ ترین - این این آئی۔20 اگست ۔2016ء) وزیراعلیٰ پنجاب محمد شہبازشریف نے کہا ہے کہ لاہور نالج پارک کا منصوبہ تعلیم کے شعبے میں ایک سنگ میل ثابت ہوگا اور طلبا و طالبات کو جدید علوم اور ریسرچ سے روشناس کرانے میں اہم کردار ادا کرے گا۔ وزیراعلیٰ نے منصوبے کو جلد عملی جامہ پہنانے کیلئے ہرممکن اقدامات کی ہدایت کرتے ہوئے کہا کہ یہ منصوبہ بھی پنجاب حکومت کے دیگر منصوبوں کی طرح شفافیت، معیار اور تیز رفتاری کا شاہکار اور منصوبے کا انفراسٹرکچر سٹیٹ آف دی آرٹ ہونا چاہیے ۔
وہ لاہو رنالج پارک کے بورڈ آف ڈائریکٹرز کے اجلاس کی صدارت کر رہے تھے جس میں منصوبے کے ابتدائی ڈیزائن اور ماسٹر پلان کا جائزہ لیا گیا۔ وزیراعلیٰ محمد شہبازشریف نے اجلاس سے خطاب کرتے ہوئے کہا کہ حکومت پنجاب تعلیمی شعبے کی بہتری کیلئے جامع روڈمیپ پر عمل پیرا ہے اور اس کے بڑے مثبت نتائج سامنے آئے ہیں۔(جاری ہے)
انہوں نے کہا کہ معیاری تعلیم کے فروغ اور نوجوان نسل کو جدید علوم سے آراستہ کئے بغیر ترقی کا خواب کبھی شرمندہ تعبیر نہیں ہوسکتا اور اسی مقصد کو پیش نظر رکھتے ہوئے معیاری تعلیم کا فروغ حکومت پنجاب کی اولین ترجیح ہے۔
انہوں نے کہا کہ لاہو رنالج پارک کا منصوبہ بھی نوجوانوں کو جدید علوم سے آراستہ کرنے کی ایک کڑی ہے جہاں دنیا کی بہترین یونیورسٹیوں کے کیمپس قائم کئے جائیں گے۔ انہوں نے کہا کہ لاہور نالج پارک کے منصوبے کو تیزی سے حتمی شکل دی جا رہی ہے او ریہ منصوبہ بھی حکومت پنجاب کے دیگر منصوبوں کی طرح شفاف اوراعلیٰ معیار کا ہوگا۔ انہوں نے کہا کہ لاہور کے بہترین مقام پر نالج پارک کے قیام سے تعلیمی شعبے میں ایک انقلاب آفرین مثبت تبدیلی آئے گی اور یہاں پاکستان بھر کے نوجوانوں کو بین الاقوامی یونیورسٹیوں کے کیمپس میں تعلیم کے حصول کے شاندار مواقع میسر آئیں گے۔ انہوں نے کہا کہ دنیا کی بہترین یونیورسٹیوں کو نالج پارک میں لانے کیلئے جامع پلان فی الفور مرتب کرکے اس پر عملدرآمد کیا جائے اور منصوبے کو جلد عملی جامہ پہنانے کیلئے ہرممکن اقدامات کئے جائیں۔ انہوں نے کہا کہ لاہو رنالج پارک کا منصوبہ نوجوانو ں کو اعلیٰ تعلیم دے کر بااختیار بنانے کے حکومتی اقدامات کا تسلسل ہے۔ لاہور نالج پارک کمپنی کے مشیر و ہارورڈ یونیورسٹی کے پروفیسر ڈاکٹرسپریو پولالس نے منصوبے کے ابتدائی ڈیزائن اور ماسٹر پلان کے بارے میں بریفنگ دی۔ اجلاس میں صوبائی وزیر ہائیر ایجوکیشن بیگم ذکیہ شاہنواز، چیئرمین منصوبہ بندی و ترقیات، چیئرمین ڈیسکون گروپ رزاق داؤد، سیکرٹری ہائرایجوکیشن، چیئرمین پنجاب ہائیرایجوکیشن کمیشن، سینئر نائب صدر لاہور چیمبر آف کامرس الماس حیدر اور متعلقہ حکام نے شرکت کی۔مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.