تاجروں کا درآمد کیے جانیوالے گارمنٹس پر اضافی 800 فیصد ویلیو ایشن ڈیوٹی کیخلاف احتجاجی مظاہرہ
حکومت بیورو کریسی کے مشوروں پر کاروبار تباہ کرنا چاہتی ہے ،اپنے حقوق کے لئے پر امن جنگ جاری رکھیں گے اگر حکومت بجلی اور گیس فراہم کرے تو مال درآمد کرنا بند کر دینگے ،ملک کی صنعت کو فروغ دینگے ‘ ریڈیمیڈ گارمنٹس ایسوسی ایشن
ہفتہ 20 اگست 2016 17:33
لاہور ( اُردو پوائنٹ اخبارتازہ ترین - این این آئی۔20 اگست ۔2016ء) ریڈیمیڈ گارمنٹس ایسوسی ایشن کے زیر اہتمام تاجروں نے درآمد کیے جانے والے گارمنٹس پر اضافی 800 فیصد ویلیو ایشن ڈیوٹی کے خلاف لاہور پریس کلب کے باہر احتجاجی مظاہرہ کیا ، احتجاج میں تاجروں نے بھرپور شرکت کر کے فیصلے کو واپس لینے کا مطالبہ کیا اور بھرپور نعرے بازی کی ۔ احتجاج کے بعد ایسوسی ایشن کے صدر حاجی محمد حنیف نے دیگر کے ہمراہ پریس کانفرنس کرتے ہوئے کہا کہ حکومت کی طرف سے درآمد کیے جانے والے گارمنٹس پر اضافی 800فیصد ویلیو ایشن ڈیوٹی کو مسترد کرتے ہیں اور اس ظالمانہ اقدام کے خلاف بھرپور احتجاج کرتے رہیں گے ۔
انہوں نے کہا کہ بیورو کریسی حکمرانوں کو نت نئے طریقے بتاتی ہے اور حکومت بھی بیورو کریسی کے مشوروں پر کاروبار تباہ کرنا چاہتی ہے ۔(جاری ہے)
وزیر اعظم محمد نواز شریف اور وزیر خزانہ اسحاق ڈار خود کاروباری شخصیت ہیں اور انہیں معلوم ہے کہ لوڈ شیڈنگ ، مہنگائی اور بیروزگاری کی فضاء میں کاروبار جاری رکھنا کتنا مشکل ہے ۔ مگر پھر بھی وہ تاجروں کو تنگ کرنے پر تلے ہوئے ہیں ۔
تاجروں نے محسوس کیا ہے کہ حکومت کاروباری طبقے کو دیوار سے لگانے کا تہیہ کر چکی ہے جس کی بھرپور مزاحمت کی جائے گی ۔ حقوق کے لئے پر امن جدوجہد جاری رکھیں گے ۔ انہوں نے مزید کہا کہ 800فیصد ریلیو ایشن ڈیوٹی منظور نہیں ، اسے واپس لیا جائے ۔ اس غیر یقینی صورتحال میں مختلف وجوہات کی بنیاد پر سرمایہ داروں کی بڑی تعداد اپنے کاروبار کو تباہ ہوتے دیکھ رہے ہیں ۔ تاجر برادری باقاعدگی سے ٹیکس جمع کروانے الا طبقہ ہے پھر بھی انہیں تنگ کیا جانا افسوسناک ہے ۔انہوں نے کہا کہ اگر حکومت ہمیں بجلی اور گیس فراہم کرے تو ہم مال درآمد کرنا بند کر دیں گے اور ملک کی صنعت کو فروغ دیں گے ۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.