بلوچستان میں را کی مداخلت اوربھارتی وزیراعظم کے بیان کے خلاف پاکستان تحریک انصاف اور کھوسہ اتحاد کی ریلی

ڈیراہ مراد جمالی (اُردو پوائنٹ اخبارتازہ ترین - آئی این پی۔18 اگست ۔2016ء ) بلوچستان میں را کی مداخلت اوربھارتی وزیراعظم کے بیان کے خلاف پاکستان تحریک انصاف اور کھوسہ اتحاد کی جانب سے ڈیرہ مرادجمالی میں الگ الگ ریلیاں نکال کر قومی شاہراہ پر دھرنا قومی شاہراہ بلاک بھارت کے خلاف سخت نعرے بازی نریندرمودی کا پتلااور ترنگانذرآتش ۔

(جاری ہے)

ڈیرہ مرادجمالی میں بلوچستان میں بھارتی مداخلت کے خلاف پی ٹی آئی کے صوبائی رہنماء میر سنجرخان جمالی اور کھوسہ اتحاد کے حاجی نثاراحمد کھوسہ کی قیادت میں احتجاجی ریلی نکالی گئی مظاہرین نے قومی شاہراہ پر بھارتی وزیراعظم نریندرمودی کا پتلااورترنگانذر آتش کیااوربلوچستان میں بھارتی مداخلت کے خلاف سخت نعرے بازی کی احتجاجی مظاہروں سے خطاب کرتے ہوئے پی ٹی آئی اورکھوسہ قومی اتحاد کے رہنماؤں میرسنجرخان جمالی ،حاجی نثارخان کھوسہ،میر منصوراحمد جمالی،جہانگیرمنگی،غازی خان پیچوہا،جہانزیب جمالی، ظفرفراز کھوسہ،محمد سہیل کھوسہ خادم حسین کھوسہ،مجاہد عبدالطیف کھوسہ،کمانڈربرکت علی کھوسہ ،رضوان پرکانی،ندیم منگی،غالب مگسی،غلام مصطفیٰ جمالی ،حاجی محمد صدیق کھوسہ ،ندیم حسین کھوسہ،قائم مری،اورآصف سولنگی سمیت دیگرمقرین نے کہاکہ نریندر مودی نے حالیہ بیان میں حالیہ بیان میں دبے الفاظ میں بلوچستان میں مداخلت کا اعتراف کرکے بھارتی مکروہ چہرے بے نقاب کیا ہم واضع کرتے ہیں کہ بلوچستان کا بچہ بچہ ملک کے دفاع کے لئے پاک فوج کے ساتھ ہے اوراپنی جانیں قربان کرنے کو تیارہیں بھارتی گیڈر بھبھکیوں سے مرعوب نہیں ہونگے انہوں نے کہاکہ بلوچستان میں مداخلت کے بھارت کو حصہ دینا ہوگا آئے بلوچستان میں بم دھماکوں اور دھشت گردی کے پیچھے بھارتی ہاتھ ہیں جو پاکستانی قوم کو منافرت کے ذریعے دراڑیں ڈالنے کی کوشش کررہا ہے لیکن ہم واضع کرتے ہیں کہ وطن عزیزپاکستان کے لئے ہم ایک جان ہیں انہوں نے کہاکہ بھارت اپنے دل ودماغ سے نکال دے کہ بلوچستان پاکستان سے الگ ہوسکتا ہے ہم پاکستانی ہیں اورانشاء اﷲ پاکستانی ہی رہ کر مریں گے ہماری رگومیں پاکستانی خون ہے ہم پاکستان کی آن بان اورشان پرکسی بھی قربانی سے دریغ نہیں کریں گے اوربھارتی ناپاک عزائم کو خاک میں ملادیں گے بھارت ہرطرح کی کوشش کرے مگر اسے ناکامی چاٹنے کے سوا کچھ حاصل نہیں ہوگا ہم پاک فوج کے ساتھ ہیں کشمیر ہماری شہ رگ ہے اورکشمیر ی عوام پر ہرقسم کے مظالم کو منہ توڑ کرجواب دینے کے لئے تیارہیں ہم کشمیری بھائیوں کے ساتھ ہیں ان پر ہونے والوں مظالم کابھارت سے حساب لیں گے وہ دن دورنہیں جب کشمیر پاکستان کا حصہ بنے گا ۔