حکومت معاشی معاملات کی درستگی کے لیے قائدانہ کردار ادا کرے ،پالیسیوں کا محور معاشی نشوونما کو بنائے ‘ ایل سی سی آئی
معاشی حوالے سے خامیوں کو دور کرنے اقدامات کی اشد ضرورت ہے جن میں سر فہرست ریسرچ کلچر کے فقدان پر قابو پانا ہے
بدھ 17 اگست 2016 18:58
لاہور ( اُردو پوائنٹ اخبارتازہ ترین - این این آئی۔17 اگست ۔2016ء) لاہورچیمبر آف کامرس اینڈ انڈسٹری کے صدر شیخ محمد ارشد، سینئر نائب صدر الماس حیدر اور نائب صدر ناصر سعید نے حکومت پر زور دیا ہے کہ وہ معاشی معاملات کی درستگی کے لیے قائدانہ کردار ادا کرے اور پالیسیوں کا محور معاشی نشوونما کو بنائے ۔ ایک بیان میں لاہور چیمبر کے عہدیداروں نے کہا کہ معاشی حوالے سے خامیوں کو دور کرنے اقدامات کی اشد ضرورت ہے جن میں سر فہرست ریسرچ کلچر کے فقدان پر قابو پانا ہے۔
انہوں نے کہا کہ معاشی معاملات کو تحقیق کے خطوط پر استوار کرکے نہ صرف عالمی سطح پر تیزی سے بڑھتے چیلنجز کا مقابلہ کیا جاسکے گا بلکہ برآمدات میں کمی، توانائی کے بحران، ٹیکس ٹو جی ڈی پی کی کم شرح، نقصان دہ قومی اداروں، برین ڈرین، ہنرمند افرادی قوت کی قلت اور کم صنعتی پیداوار جیسے مسائل سے بھی نمٹا جاسکے گا۔(جاری ہے)
لاہور چیمبر کے عہدیداروں نے کہا کہ ہمارے معاشی مسائل کی ایک بڑی وجہ ریسرچ کلچر کا فقدان ہے ، عالمی سطح پر ہونے والی معاشی پیش رفت کے متعلق مستند ڈیٹا نہ ہونے کی وجہ سے پاکستان کی بیرونی تجارت پر منفی اثرات مرتب ہورہے ہیں، گذشتہ کئی سالوں سے ہمارا برآمدی ہدف پورا نہیں ہوپارہا جو اچھا شگون نہیں ہے۔
انہوں نے کہا کہ پاکستان کی برآمدات مخصوص مصنوعات اور مخصوص ممالک تک محدود ہیں جن کی وجہ سے ہم برآمدات بڑھانے کا خواب پورا نہیں کرپائے، ہمیں نئی منڈیوں اور نئی مصنوعات کے متعلق ریسرچ کرنا ہوگی ، بیرون ملک پاکستانی سفارتخانوں کو چاہیے کہ اس سلسلے میں اپنا کردار ادا کریں۔ لاہور چیمبر کے عہدیداروں نے تحقیق کلچر توانائی کے شعبے میں بھی متعارف کرانے کی ضرورت پر زور دیا۔ انہوں نے کہا کہ اس سے ہمیں توانائی کا بحران حل کرنے کے لیے نئے راستے ملیں گے ، ترقی یافتہ ممالک ریسرچ کرکے توانائی کی پیداوار کے نئے ذرائع تلاش جبکہ ہم خاموش تماشائی کا کردار ادا کررہے ہیں۔ انہوں نے حکومت پر زور دیا کہ وہ تمام معاشی امور پر تاجر برادری کو اعتماد میں لے کیونکہ تاجر معیشت کی ریڑھ کی ہڈی ہیں اور معاشی بہتری کے لیے زیادہ بہتر کردار ادا کرنے کی صلاحیت رکھتے ہیں۔ انہوں نے توقع ظاہر کی کہ حکومت پبلک پرائیویٹ پارٹنرشپ کے تحت تحقیق کے کلچر کو فروغ دینے کے لیے بھرپور اقدامات اٹھائے گی ۔مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.