دہشتگردی کے خلاف طویل جنگ بالآخر اختتام کے قریب ہے، آرمی چیف
کامیابیوں کو منطقی انجام تک پہنچانے کیلئے قومی یکجہتی ضروری ہے دہشتگردی کیخلاف جنگ میں عوام، سیکورٹی فورسز اور اینٹلی جنس اداروں کو سلام پیش کرتا ہوں نیشنل ایکشن پلان پر عمل درآمد نہ ہونے سے آپریشن ضرب عضب کے مقاصد متاثر ہو سکتے ہیں، پاک سرزمین سے دہشتگردی کی لعنت کو ختم کرکے دم لینگے، جنرل راحیل شریف کا جی ایچ کیو میں اعلیٰ سطح کا اجلاس سے خطاب
جمعہ 12 اگست 2016 21:32
راولپنڈی(اُردو پوائنٹ اخبارتازہ ترین - آن لائن۔12 اگست ۔2016ء) آرمی چیف جنرل راحیل شریف نے کہا ہے کہ دہشتگردی کے خلاف طویل جنگ بالآخر اختتام کے قریب ہے، دہشتگردی کے خلاف جنگ عوام، سیکورٹی فورسز اور اینٹلی جنس اداروں کو سلام پیش کرتا ہوں، نیشنل ایکشن پلان پر عمل درآمد نہ ہونے سے آپریشن ضرب عضب کے مقاصد متاثر ہو سکتے ہیں۔میڈیارپورٹس کے مطابق آئی ایس پی آر کی جانب سے جاری بیان میں کہا گیا ہے کہ گزشتہ روز راولپنڈی جی ایچ کیو میں اعلیٰ سطح کا اجلاس منعقد ہوا، اجلاس میں پرنسپل سٹاف آفیسر، ڈی جی آئی ایس آئی، کورکمانڈر راولپنڈی سمیت دیگر نے شرکت کی۔
نیشنل ایکشن پلان کے اہداف، پیش رفت پر سست روی اور آپریشن ضرب عضب پر اس کے اثرات کا جائزہ لیا گیا۔ آرمی چیف نے اپنے خطاب میں آپریشن ضرب عضب کی کامیابیوں پر اطمینان کا اظہار کرتے ہوئے کہا کہنیشنل ایکشن پلان ہمارے مقاصد کا محور ہے۔(جاری ہے)
ہم طویل عرصے سے دہشت گردی کے خلاف جنگ کر رہے ہیں۔ ملک سے دہشت گردوں کا خاتمہ کیا جا رہا ہے لیکن سست روی سے آپریشن ضرب عضب متاثر ہوا، ان کا کہنا تھا کہ سیکیورٹی صورتحال میں بہتری کے ثمرات عوام تک پہنچنے شروع ہو گئے ہیں۔
آپریشنز کے نتیجے میں ملک کی سیکیورٹی صورتحال میں کافی بہتری آئی ہے۔ پوری قوم سیکیورٹی فورسز کے ساتھ کھڑی ہے. کامیابیوں کو منطقی انجام تک پہنچانے کیلئے قومی رسپانس میں یکجہتی ضروری ہے۔ سیکورٹی فورسز کی قربانیوں اور ان تھک کوششوں سے ملک میں امن اور استحکام آیا ہے، پوری قوم سیکورٹی فورسز کے ساتھ شانہ بشانہ کھڑی ہے، عوام، سیکورٹی فورسز اور انٹیلی جنس اداروں کو سلام کرتا ہوں، دہشتگردی کے خاتمے کیلئے عوام کی حمایت ایک اہم جزہے، دہشتگردی کے خاتمے کیلئے آپریشن ضرب عضب پرعمل درآمد ضروری ہے، تمام ادارے بھرپور تعاون کرکے دہشتگردی کا خاتمہ یقینی بنایا جائے، پاک سرزمین سے دہشتگردی کی لعنت کو ختم کرکے دم لینگے، انہوں نے کہا کہ نیشنل ایکشن پلان پرعمل درآمد نہ ہونے پر اظہار افسوس کرتے ہوئے کہا کہ جب تک نیشنل ایکشن پلان پر مکمل طور پر عمل درآمد نہیں کیا جاتا اس وقت تک مقاصد حاصل نہیں ہونگے، بعض حلقوں کی جانب سے غلط بیانات اور تجریوں سے قومی مقاصد کو نقصان پہنچ رہا ہے، نیشنل ایکشن پلان میں پیشرفت نہ ہونے کے باعث آپریشن ضرب عضب متاثر ہو رہا ہے، توجہ ہٹانے والے بیانات مددگار ثابت نہیں ہونگے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.