مقدس گائے پنجاب میں کومبنگ آپریشن کیوں نہیں ہوتا؟ڈاکٹر طاہر القادری
سانحہ ماڈل ٹاؤن ، دہشت گردی اور کرپشن کے خلاف 20 اگست کو 100 شہروں میں دھرنے ہونگے پنجاب میں پیپلز پارٹی کی حکومت ہوتی تو کب کا آپریشن ہو چکا ہوتا‘سربراہ عوامی تحریک کی وفود سے گفتگو
جمعرات 11 اگست 2016 18:20
لاہور(اُردو پوائنٹ اخبارتازہ ترین - این این آئی۔11 اگست ۔2016ء ) پاکستان عوامی تحریک کے قائد ڈاکٹر طاہر القادری نے کہا ہے کہ ماڈل ٹاؤن کے انصاف ،دہشتگردی کے خاتمے اور پانامہ لیکس کی تحقیقات کے مطالبہ کے حوالے سے 20 اگست کو پاکستان کے 100 شہروں میں دھرنا دیں گے،مقدس گائے پنجاب میں کومبنگ آپریشن کیوں نہیں ہونے دیا جاتا؟ اگر پنجاب میں پیپلز پارٹی کی حکومت ہوتی تو کب کا آپریشن ہو چکا ہوتا،بھارت شریف حکومت کی بقاء کی جنگ کیوں لڑرہا ہے۔
وزیراعظم کی سوچی سمجھی پالیسی ہے کہ آدھے وزیر اور اتحادی افواج پاکستان پر تنقید اور آدھے وزیر مذمتیں کریں،جنہوں نے پہلے قومی ایکشن پلان کو بلڈوز کیا وہ اب پھر وہی کریں گے۔دہشت گرد تنظیمیں آل شریف کا عسکری اور نظریاتی ونگ ہیں وہ ان کے خلاف کبھی فیصلہ کن کارروائی نہیں ہونے دیں گے۔(جاری ہے)
ان خیالات کا اظہار انہوں نے اپنی رہائش گاہ پرصحافیوں ،پارٹی کے وفود سے گفتگو کرتے ہوئے کیا۔
سربراہ عوامی تحریک نے اس موقع پر قومی کرکٹ ہیرو حنیف محمد خان کے انتقال پر بھی گہرے دکھ اور افسوس کا اظہار کیا ،ان کے درجات کی بلندی کیلئے دعا کی۔ انہوں نے کہا کہ حنیف محمد ایک عظیم کھلاڑی ،پاکستان کا فخر اور پوری دنیا میں پہچان تھے۔سربراہ عوامی تحریک نے کہا کہ ن لیگ کی قیادت نے پاک فوج کے خلاف ہرزہ سرائی کیلئے چھوٹے صوبوں کے اتحادی لیڈروں کی ڈیوٹی لگارکھی ہے۔وزیراعظم نے اپنی تقریر کے دوران فوج مخالف بیانات دینے والے اپنے اتحادیوں کی مذمت نہیں کی؟انہوں نے کہا کہ بھارت شریف حکومت کو بچانے کیلئے ہاتھ پاؤں کیوں ماررہا ہے۔ کیا وہ چاہتا ہے کہ پاکستان میں جمہوریت پھلے پھولے یا دہشتگردی کے خاتمے کیلئے شریف حکومت کا ساتھ دے رہا ہے؟۔انہوں نے کہا کہ شریف حکومت بھارت کے تعاون سے انکار کرے تو پھر میں بتاؤں گا کہ کون کس جگہ پر کیسے کیسے ان کی بقاء کی جنگ لڑرہا ہے۔انہوں نے کہا کہ دہشت گردی کی نرسریوں اور پناہ گاہوں کا سب سے بڑا مرکز پنجاب ہے ۔جن مدارس کے اجلاس بلائے جاتے ہیں ان کے رہنما حکمران جماعت کے اتحادی ہیں۔نواز شریف کے وزراء کی طرف سے اپنے اتحادیوں کے فوج مخالف بیانات کی مذمت اورلا تعلقی قوم کے ساتھ ایک اور دھوکہ ہے۔دہشت گردی کے خلاف ملک گیر آپریشن میں پنجاب رکاوٹ ہے ۔ انہوں نے کہا کہ حکمرانوں نے اپنا گھر اور بزنس بچانے کیلئے پورے ملک کی سالمیت داؤ پر لگارکھی ہے۔وزیراعظم کے اتحادی ان کی اجازت سے زبان درازی کرتے ہیں۔کوئٹہ کا سانحہ اس وقت ہوا جب مقبوضہ کشمیر میں ہونیوالی جارحیت کے خلاف پاکستان میں آواز بلند ہورہی ہے۔کوئٹہ دہشت گردی کا مقصد مقبوضہ کشمیر میں انسانی حقوق کی خلاف ورزیوں سے توجہ ہٹانا اور اسے پس منظر میں دھکیلنا ہے۔ڈاکٹر طاہر القادری نے کہاکہ جب تک پنجاب کا آپریشن بھرپور طریقے سے نہیں ہو گا پورے ملک سے دہشت گردوں کی پناہ گاہوں کا خاتمہ نہیں ہو سکتا۔ انہوں نے کہا کہ پاک آرمی کی ضرب عضب کی عظیم کامیابیوں کو متنازعہ بنانے کیلئے ملکی سلامتی کے اداروں کو تنقید کا نشانہ بنایا جارہا ہے اور یہ طرز عمل ملک دشمنی پر مبنی ہے۔اس کے پیچھے کوئی اور نہیں خود وزیراعظم ہیں۔انہوں نے مزید کہاکہ ایکشن پلان کی منظوری کے 17 ماہ بعد کہاجارہا ہے کہ نیکٹا بھی فعال ہو گا اور صوبوں کو وسائل بھی ملیں گے اور نئے قوانین بھی بنیں گے۔یہ ملکی سالمیت کے ساتھ ایک سنگین مذاق اور نااہلی کا اقبال جرم ہے۔ 17 ماہ میں یہ کام کیوں نہیں ہوئے؟۔متعلقہ عنوان :
مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.