ترکی کی رکنیت پر کوئی سوالیہ نشان نہیں ہے، نیٹو

جمعرات 11 اگست 2016 11:52

نیٹو(اُردو پوائنٹ اخبارتازہ ترین - این این آئی۔11 اگست ۔2016ء) مغربی دفاعی اتحاد نیٹو کی طرف سے کہا گیا ہے کہ ناکام فوجی بغاوت کے بعد انقرہ حکومت کے اقدامات کے باجود نیٹو میں ترکی کی رکنیت پر کوئی سوال نہیں اٹھتا۔

(جاری ہے)

میڈیارپورٹس کے مطابق نیٹو کی خاتون ترجمان اوآنا لوجیسکو کی طرف سے جاری ہونے والے ایک بیان میں کہا گیا ہے کہ ترکی کی نیٹو میں رکنیت پر کوئی سوالیہ نشان نہیں ہے۔ یہ بیان بعض فرضی میڈیا رپورٹیں سامنے آنے کے بعد جاری کیا گیا ہے۔ لوجیسکو کے بیان کے مطابق نیٹو ترکی کے کردار کی قدر کرتا ہے۔ یہ بیان ترک صدر رجب طیب ایردوآن کے دورہ ماسکو کے ایک روز بعد سامنے آیا ہے۔

Facebook Twitter Google + Share on Whatsapp

ترکی کی رکنیت پر کوئی سوالیہ نشان نہیں ہے، نیٹو

متعلقہ عنوان :

مزید بین الاقوامی خبریں