حکومت کی نئی آٹو پالیسی سے گاڑیوں کے بند مینوفیکچرنگ پلانٹ بحال ہونا شروع ہو گئے
دیوان فاروق موٹرز نے کمپنی کی بحالی کیلئے درخواست دیدی ،پانچ ماہ میں بحالی متوقع ہے
بدھ 10 اگست 2016 21:05
لاہور( اُردو پوائنٹ اخبارتازہ ترین - این این آئی۔10 اگست ۔2016ء) حکومت کی نئی آٹو پالیسی سے گاڑیوں کے بند مینوفیکچرنگ پلانٹ بحال ہونا شروع ہو گئے، دیوان فاروق موٹرز پانچ ماہ میں گاڑیوں کی پیداوار شروع کر دے گا۔ تفصیلات کے مطابق حکومت کی نئی پانچ سالہ آٹو پالیسی کے اعلان کے بعد دیوان فاروق موٹرز لمیٹیڈ کی بحالی پانچ ماہ میں متوقع ہے۔ کمپنی نے بحالی کے لئے درخواست جمع کرا دی ہے۔
بحالی کے بعد دیوان فاروق موٹرز کیا موٹرز اور سینگ ینگ موٹرز کے اشتراک سے پیداواری عمل شروع کرے گی ۔ پہلے مرحلہ میں دیوان فاروق موٹرز ستمبر میں ایک ٹن سنگل وہیل شہ زور ٹرک کی پیداوار شروع کرے گی۔دوسرے مرحلہ میں ایک ٹن ڈبل ٹائر شہ زور ٹرک کی پیداوار رواں سال اکتوبر میں شروع ہو گی۔(جاری ہے)
دیوان فاروق موٹرزآئندہ سال سے چینی کمپنی کے اشتراک سے مزید دو بڑی گاڑیاں بھی تیار کرے گی۔
چین کے ساتھ اشتراک سے کمپنی ڈیڑھ ٹن اور سولہ سو سی سی کے مزید دو ٹرک بھی مارکیٹ میں لائے گی۔ آئندہ تین سال میں مسافر گاڑیاں اور لائٹ کمرشل گاڑیاں بھی متعارف کروائی جائیں گی۔دوسری جانب انجینئرنگ ڈویلپمنٹ بورڈ کی جانب سے دیوان فاروق موٹرز کی بحالی کی درخواست کی جلد منظوری متوقع ہے۔ دیوان گروپ کی بحالی سے مقامی مارکیٹ میں گاڑیوں کی پیداواراور مسابقت کی فضا میں اضافہ ہو گا۔متعلقہ عنوان :
مزید تجارتی خبریں
-
بجلی کے فی یونٹ میں2روپے 75 پیسے اضافے کی منظوری ظالمانہ فیصلہ ہے، ایاز میمن
-
پاکستان سٹاک ایکسچینج میں 137 پوائنٹس کی کمی
-
فیصل بینک اور صحت کہانی کا ہیلتھ کیئرمنظرنامے میں تبدیلی کیلئے اشتراک
-
اسٹیٹ بینک کے زرمبادلہ کے ذخائر میں 40 لاکھ ڈالر کا اضافہ
-
برائلر گوشت کی قیمت مستحکم ، فارمی انڈے مہنگے
-
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا
-
سونے کی قیمتوں میں اضافے کا رجحان برقرار
-
سونے کی عالمی ومقامی قیمتوں میں اضافہ
-
پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی
-
دریائوں اور آبی ذخیروں میں پانی کی صورتحال
-
بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے
-
اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.