تمام اپوزیشن جماعتیں دہشت گردی کے خاتمے کیلئے حکومت کے ساتھ ہیں‘ ہم قومی سلامتی اور امن و امان کے ایشو پر کوئی سیاسی نہیں کرنا چاہتے ‘ حکومت پارلیمنٹ کی قومی سلامتی کمیٹی قائم کرے اور اداروں کو بریفنگ کیلئے بلائے ، پوچھاجائے دہشت گردی کے واقعات کے ذمہ دار کیوں پکڑے نہیں جا رہے ‘ ہم حکومت کا ساتھ دیں گے
قائد حزب اختلاف سید خورشید شاہ کاقومی اسمبلی میں سانحہ کوئٹہ پر نکتہ اعتراض پر اظہار خیال
بدھ 10 اگست 2016 18:22
اسلام آباد(اُردو پوائنٹ اخبارتازہ ترین - آئی این پی۔10 اگست ۔2016ء) قومی اسمبلی میں قائد حزب اختلاف سید خورشید شاہ نے کہا ہے کہ تمام اپوزیشن جماعتیں دہشت گردی کے خاتمے کیلئے حکومت کے ساتھ ہیں‘ ہم قومی سلامتی اور امن و امان کے ایشو پر کوئی سیاسی نہیں کرنا چاہتے ‘ حکومت پارلیمنٹ کی قومی سلامتی کمیٹی قائم کرے اور اداروں کو بریفنگ کیلئے بلائے اور پوچھے کہ دہشت گردی کے واقعات کے ذمہ دار کیوں پکڑے نہیں جا رہے ‘ حکومت کا ساتھ دیں گے ۔
بدھ کو وہ قومی اسمبلی میں سانحہ کوئٹہ پر نکتہ اعتراض پر اظہار خیال کر رہے تھے۔ سید خورشید شاہ نے کہاکہ 10 اگست 1947ء کو پاکستان کی قومی اسمبلی معرض وجود میں آئی تھی۔ قائد اعظم نے جو پہلی تقریر کی تھی وہ آج بھی حالات پر منطبق تھی۔(جاری ہے)
قائد اعظم نے آئین و قانون کی عملدراری ا ور کرپشن کے خاتمہ کی بات کی تھی۔ اپو زیشن نے مسائل کے حل کیلئے ہر قدم پر حکومت کا ساتھ دیا۔
فوجی عدالتوں کیلئے آئین میں ترمیم میں حکومت کا ساتھ دیا۔ بلوچستان کا دہشت گردی کا واقعہ وکلاء برادری پر حملہ تھا کوئی کہہ رہا ہے کہ یہ سی پیک کو رکوانے کے لئے ہے مگر یہ نہیں بتایا جا رہا کہ یہ حملے کیوں کئے جا رہے ہیں۔ ضرب عضب پر آج تک پارلیمنٹ میں کوئی رپورٹ پیش نہیں کی گئی۔ حکمران پارلیمنٹ کو اپنی پارلیمنٹ سمجھیں۔ ہم نے بار بار یقین دلایا کہ دہشت گردی پر ہم کوئی سیاست نہیں کریں گے سندھ اور کے پی کے میں دہشت گردی کے واقعات میں ملوث سہولت کار پکڑے گئے۔ پنجاب اور بلوچستان میں ہونے والے واقعات کے سہولت کار کیوں نہیں پکڑے گئے۔ سانحہ کوئٹہ حکومت کیلئے ایک چیلنج ہے۔ پارلیمنٹ کی نیشنل سیکیورٹی کمیٹی بنائی جائے ہم سب ساتھ دیں گے۔ یہ بہت بڑی آفر کر رہا ہوں اس سے حکومت کے دباؤ میں کمی آئے گی۔ سندھ اسمبلی پاکستان کی بانی ہے۔ ہم پاکستان بنانے والے ہیں۔ ہم سب کو مل کر کرپشن اور دہشت گردی کا مقابلہ کرنا ہو گا۔ جن تنظیموں پر پابندی ہے ان پر سختی سے مانیٹرنگ کی جائے۔ دہشت گردوں کی سرگرمیوں کو مانیٹر کرنے کیلئے سیٹلائٹ ٹیکنالوجی استعمال کی جائے۔ پارلیمنٹ میں بلائیں ہم پوچھیں گے ورنہ حکومت پوچھے کہ دہشت گردوں کو کیوں نہیں پکڑا جاتا۔مزید اہم خبریں
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
صدرسے بینکنگ محتسب پاکستان سراج الدین عزیز کی ملاقات ، سالانہ رپورٹ پیش کی
-
پاکستان کا چین کے ساتھ چائے کے شعبے میں تعاون مزید بڑھانے کا فیصلہ
-
آرمی چیف سے سعودی عرب کے معاون وزیر دفاع کی ملاقات، دفاعی تعلقات پر تبادلہ خیال
-
امید ہے آئی ایم ایف کیساتھ نئے قرض پروگرام کے خدوخال مئی میں طے پا جائیں گے، وزیرخزانہ
-
وزیراعظم کی زیر صدارت اسمگلنگ کی روک تھام کے حوالے سے اعلیٰ سطحی اجلاس ، مختلف امورپر بریفنگ
-
پاکستان سے سمگلنگ کے خاتمے کا پختہ عزم رکھتا ہوں،وزیراعظم شہباز شریف
-
آئی ایم ایف نے پاکستانی معیشت کی بہتری پر مثبت ردعمل دیدیا
-
اقوام متحدہ میں پاکستان کے مستقل مندوب کی ایرانی وزیر خارجہ سے ملاقات ،باہمی تعاون اورمختلف امور پر تبادلہ خیال
-
یوسف رضا گیلانی کی کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.