عراق کے سب سے بڑے میٹرنٹی ہسپتال میں آگ لگنے سے 11 نوزائیدہ بچے ہلاک ہوگئے
میاں محمد ندیم بدھ 10 اگست 2016 17:37
بغداد(اردو پوائنٹ اخبارتازہ ترین-انٹرنیشنل پریس ایجنسی۔10 اگست۔2016ء) عراق کے سب سے بڑے میٹرنٹی ہسپتال میں آگ لگنے کی وجہ سے وہاں موجود 11 نوزائیدہ بچے ہلاک ہوگئے۔یہ افسوس ناک واقعہ دارالحکومت بغداد کے یرموک ہسپتال میں پیش آیا اور اس واقعے میں تین بچے پھیپھڑوں میں دھواں بھر جانے کی وجہ سے بے ہوش ہوگئے تھے تاہم انہیں بچالیا گیا۔عرب نشریاتی ادارے کی رپورٹ کے مطابق عراقی وزارت صحت کے ترجمان نے بتایا کہ ہسپتال میں آگ شارٹ سرکٹ کی وجہ سے لگی تھی اور ہسپتال میں دھواں بھر جانے کی وجہ سے 11 نوزائیدہ بچوں کا دم گھٹ گیا۔
ایک اور عہدے دار نے بتایا کہ ہسپتال میں موجود 7 بچوں اور 29 خواتین کو بحفاظت دوسرے ہسپتال منتقل کردیا گیا اور جو بچے ہلاک ہوئے وہ قبل از وقت پیدا ہوگئے تھے اور انہیں انکیوبیٹر پر رکھا گیا تھا۔(جاری ہے)
آگ پر قابو پانے میں تین گھنٹے لگے اور وزارت صحت کا کہنا ہے کہ آگ شارٹ سرکٹ کی وجہ سے لگی۔واقعے کے بعد ہلاک ہونے والے بچوں کے لواحقین نے ہسپتال کے باہر احتجاج کیا اور اس کا ذمہ دار حکومت کو ٹھہرایا۔
30 سالہ حسین عمر نے بتایا کہ ایک ہفتے قبل اس کے جڑواں بچے ہسپتال سے لاپتہ ہوگئے تھے، ہسپتال انتظامیہ نے کہا کہ وہ انہیں دوسرے ہسپتالوں میں تلاش کرے۔انہوں نے بتایا کہ جب بچے نہیں ملے تو ہسپتال والوں نے کہا کہ وہ مردہ خانے میں ہیں، 'مجھے میرے بچے واپس چاہئیں، حکومت کو میرے بچوں کو واپس کرنا ہوگا۔واضح رہے کہ عراق کے زیادہ تر سرکاری ہسپتالوں میں بنیادی سہولتوں کا فقدان ہے اور لوگ مجبوراً پرائیوٹ ہسپتالوں سے مہنگا علاج کرانے پر مجبور ہیں۔مزید اہم خبریں
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
-
متحدہ عرب امارات میں طوفانی بارشوں کا سلسہ تھم گیا‘زندگی معمول پر آنے لگی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
آسٹریلیا میں تعینات پاکستانی ہائی کمشنر زاہد حفیظ چوہدری کی سڈنی چاقو حملہ میں زخمی ہونے والے پاکستانی نوجوان کی ہسپتال میں عیادت
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
وزیر خارجہ محمد اسحاق ڈار سے امریکی سفیر ڈونلڈ بلوم کی ملاقات
-
کوئی پسند نہ پسند نہیں ، صحافیوں کوجلد برابری کی بنیاد پرپلاٹ مہیا کئے جائیں گے‘عظمیٰ بخاری
-
نواز شریف نے کہاہمسائیوں سے لڑائی نہیں کرنی،دوستی کے دروازے کھولیں،دلوں کے دروازے کھولیں،راستے کھولیں‘مریم نوازشریف
-
آرمی چیف جنرل سید عاصم منیر سے ترک چیف آف جنرل اسٹاف جنرل متین گیوراک کی ملاقات ، باہمی دلچسپی، دفاعی، تربیت اور علاقائی امن و استحکام کو فروغ دینے سمیت دیگر امور پر تبادلہ خیال
-
وزیرِ اعظم محمد شہباز شریف کی زیرِ صدارت بجلی شعبے کے حوالے سے اقدامات کے جائزہ پر اعلیٰ سطحی اجلاس کا دوسرا دور
-
وزیراعظم سے یورپی یونین کی سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.