ٹرمپ جو بولتے ہیں اسے برداشت کرنا مشکل ہے‘اداکار ول سمتھ

بدھ 10 اگست 2016 12:12

ٹرمپ جو بولتے ہیں اسے برداشت کرنا مشکل ہے‘اداکار ول سمتھ
دبئی(اُردو پوائنٹ اخبارتازہ ترین - این این آئی۔10 اگست۔2016ء) اداکار ول اسمتھ نے کہا ہے کہ ڈونلڈ ٹرمپ جو بولتے ہیں اسے برداشت کرنا مشکل ہے اور وہ امریکا کے لیے کسی شرمندگی سے کم نہیں۔

(جاری ہے)

یہ بات انھوں نے دبئی میں فلم ”سوسائیڈ اسکواڈ“ کے سلسلہ میں پریس کانفرنس کے دوران کہی ول اسمتھ کا کہنا تھا کہ امریکا میں اسلام کے حوالے سے جو کچھ کہا جارہا ہے اس کے بعد میرے لیے دبئی آنا ضروری تھاکہ وہ دبئی میں تصاویر لیں اور دنیا کو دکھائیں کہ لوگ ان سے نفرت نہیں کرتے۔

ڈونلڈ ٹرمپ پر تنقید کرتے ہوئے اداکار نے کہا کہ وہ امریکا کے لیے کسی شرمندگی سے کم نہیں اور ان کو سننا کافی مشکل ہے۔ ان کا کہنا تھا کہ اچھا ہے کہ ڈونلڈ اس قسم کے بیانات دیتے ہیں اس سے ہمیں اندازا ہوسکتا ہے کہ لوگ کیسے ہیں اور کس کو ہمیں اپنے ملک سے باہر کرنا ہے۔

متعلقہ عنوان :