وکلاء برادری کو نشانہ بنانے کا مقصد انصاف کے حصول کا راستہ روکنا ہے ،حکومتی ترجیحات غلط ہیں‘ایک خاندان کی سیکیورٹی کا خرچ پورے ملک کی سکیورٹی کے خرچ سے زیادہ ہے‘موجودہ حالات سے نمٹنے کیلئے جنگی کابینہ بنائی جائے‘ اس کیلئے جنگی بجٹ مختص کیا جائے
سابق وفاقی وزیر اور پیپلزپارٹی کے رہنما سینیٹر بابر اعوان کا وکلاء کی احتجاجی ریلی سے خطاب
منگل 9 اگست 2016 17:35
اسلام آباد(اُردو پوائنٹ اخبارتازہ ترین - آئی این پی۔9 اگست ۔2016ء) سابق وفاقی وزیر اور پیپلزپارٹی کے رہنما سینیٹر بابر اعوان نے کہا کہ حکومتی ترجیحات غلط ہیں،ایک خاندان کی سیکیورٹی کا خرچ پورے ملک کی سکیورٹی کے خرچ سے زیادہ ہے،موجودہ حالات سے نمٹنے کیلئے جنگی کابینہ بنائی جائے اور اس کیلئے جنگی بجٹ مختص کیا جائے۔بدھ کوایف ایٹ کچہری میں وکلاء کی احتجاجی ریلی سے خطاب کرتے ہوئے انہوں نے کہاکہ وکلاء برادری کو نشانہ بنانے کا مقصد انصاف کے حصول کا راستہ روکنا ہے۔
انہوں نے کہاکہ فوج ہر جگہ ملکی بقاء کی جنگ لڑ رہی ہے،حکمران جماعت کی پالیسیوں پر تنقید کرتے ہوئے انہوں نے کہاکہ جب تک حکمران ترجیحات کا درست ادراک نہیں کریں گے اس وقت تک دہشتگردی سے چھٹکارا پانا مشکل ہے،شریف خاندان کی ذاتی سکیورٹی کے اخراجات ملک کے مجموعی سیکیورٹی کے خرچ سے زیادہ ہے۔(جاری ہے)
انہوں نے حکومت سے مطالبہ کیا کہ شہداء کے لواحقین کو ایک ایک کروڑ جبکہ زخمیوں کو50,50لاکھ روپے دیئے جائیں۔
انہوں نے مزید کہا کہ ابھی تک امجد فرید صابری کے لواحقین کو حکومت کی جانب سے اعلان کردہ رقم نہیں ملی جوکہ انتہائی افسوس ناک ہے،وفاقی وزیر اطلاعات سیاسی مخالفین کے خلاف بڑھ چڑھ کر بولتے ہیں مگر سانحہ کوئٹہ پر بالکل خاموش ہیں جو کہ انتہائی قابل افسوس ہے،اس موقع پر اسلام آباد ہائیکورٹ کے صدر طارق محمود جہانگیری نے سانحہ کوئٹہ کی شدید مذمت کرتے ہوئے واقعے کے ذمہ داران کو کیفرکردار تک پہنچانے کا مطالبہ کیا،ریلی میں سانحہ کوئٹہ میں جاں بحق افراد کی غائبانہ نماز جنازہ ادا کی گئی، اس سے قبل ایف ایٹ کچہری میں کوئٹہ شہدا سے اظہار یکجہتی کیلئے وکلا کی جنرل باڈی کا اجلاس منعقد کیا گیا جس میں اسلام آباد ہائیکورٹ بار کے صدر طارق محمود جہانگیری،نائب صدر راجہ انصر اور چیئرمین اسلام آبادبار کونسل رفیع الدین بابر سمیت وکلاء کی بڑی تعداد نے شرکت کیمتعلقہ عنوان :
مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.