شام میں پانچ سال سے جاری تباہ کن جنگ میں ہلاکتوں کی تعداد 2لاکھ 90ہزار سے تجاوز کرگئی ،آبزرویٹری کادعویٰ
منگل 9 اگست 2016 16:52
دمشق/نیویارک (اُردو پوائنٹ اخبارتازہ ترین - آئی این پی۔09 اگست ۔2016ء)شام میں گزشتہ پانچ سال سے جاری تباہ کن جنگ میں ہلاکتوں کی تعداد 2لاکھ 90ہزار سے تجاوز کرگئی جبکہ قوام متحدہ نے خبردار کیا ہے کہ شامی صوبہ حلب کے 20 لاکھ سے زائد باشندے مکمل طور پر محاصرے میں گھِر جانے کے خطرات سے دو چار ہیں۔غیر ملکی میڈیا کے مطابق شام کی صورت حال پر گہری نظر رکھنے والی غیرسرکاری تنظیم سیرین آبزرویٹری فار ہیومن رائٹس نے دعویٰ کیا ہے کہ شام میں گزشتہ پانچ سال سے جاری تباہ کن جنگ میں اب تک 2 لاکھ 90ہزار سے زائد افراد ہو چکے ہیں۔
آبزرویٹری کے اعداد وشمار کے مطابق 2011 میں تنازعے کے آغاز سے گزشتہ ماہ کے اختتام تک 292،817 افراد جنگ کی ہولناکیوں کا نشانہ بنے۔ ہلاک ہونے والوں میں 84 ہزار472 شہری تھے جن میں 14 ہزار711 بچے اور 9 ہزار 520 خواتین بھی شامل ہیں۔(جاری ہے)
دوسری جانب اقوام متحدہ نے خبردار کیا ہے کہ شامی صوبہ حلب کے 20 لاکھ سے زائد باشندے مکمل طور پر محاصرے میں گھِر جانے کے خطرات سے دو چار ہیں۔
اس عالمی ادارے نے شدید بمباری کا نشانہ بننے والے اس علاقے تک فوری رسائی کا مطالبہ کیا ہے۔ شامی فورسز کی طرف سے اس صوبے میں باغیوں کی سپلائی لائن کاٹنے کے لیے حالیہ ہفتوں کے دوران محاصرہ کر لیا گیا تھا جس کے بعد یہاں شدید لڑائی کا سلسلہ جاری ہے۔ شام میں اقوام متحدہ کے انسانی امداد کے سربراہ یعقوب الہلو اور علاقائی کوارڈینیٹر کیوِن کینیڈی نے انسانی بنیادوں پر امداد کی فراہمی کے لیے اس لڑائی میں وقفے کا مطالبہ کیا ہے۔مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.