چینی کمپنی جرمن روبوٹ ساز فرم کے پچانوے فیصد شیئرز کی مالک
یورپ نے اس ہائی ٹیکنالوجی کمپنی کے ہاتھ سے جانے پر خدشات کا اظہار کردیا
پیر 8 اگست 2016 21:42
بیجنگ ، برلن( اُردو پوائنٹ اخبارتازہ ترین - آن لائن۔8 اگست ۔2016ء ) ایک بڑی چینی مصنوعات ساز کمپنی ’میڈیا‘ نے کہا ہے کہ اس نے روبوٹ بنانے والی جرمن فرم ’کوکا‘ کے تقریباً پچانوے فیصد حصص حاصل کر لیے ہیں۔ یورپ نے اس ہائی ٹیکنالوجی کمپنی کے ہاتھ سے جانے پر خدشات کا اظہار کیا ہے۔میڈیا نامی چینی فرم اب چین کے کارخانوں میں مزدوری کے بڑھتے ہوئے اخراجات کو کم کرنے کے لیے ایک خود کار پیداواری نظام متعارف کروانا چاہتی ہیچینی فرم کے پاس پہلے سے ہی کوکا کے 13.51 فی صد شیئرز موجود تھے۔
’کوکا‘ دنیا میں صنعتی روبوٹ تیار کرنے والی بڑی کمپنی ہے۔ ’میڈیا‘ نے رواں برس جون میں کوکا کو 115 یورو فی شیئر کی پیشکش کی تھی جس کے مطابق روبوٹ ساز فرم کی مالیت 4.6 بلین یورو بنتی ہے۔(جاری ہے)
’میڈیا‘ نے آٹھ اگست کو جاری کردہ اپنے ایک بیان میں کہا ہے کہ تین اگست کی رات 81.04 فیصد حصص کے ٹینڈر ملنے کے بعد وہ کوکا کے چورانوے اعشاریہ چار فی صد شیئرز کی مالک ہے۔
تاہم اس سودے کی ابھی باضابطہ منظوری ہونا باقی ہے۔ جرمن وزیر اقتصادیات زیگمار گابریل اور یورپی کمشنرگنتھر آؤٹ نگر سمیت برسلز اور برلن میں حکام نے جرمن ہائی ٹیکنالوجی کے چینی فرم کے ہاتھوں میں چلے جانے پر خدشات کا اظہار کیا ہے۔ حالیہ برسوں میں کئی جرمن کمپنیاں چینی ملکیت میں جا چکی ہیں، جن میں کیون، پٹز مائسٹر اور کراوٴس مافائی جیسی کمپنیاں بھی شامل ہیں۔ تاہم یورپی وزراء کے پاس اتنے اختیارات نہیں ہیں کہ وہ اس سودے کو روک سکیں۔ واشنگ مشینیں اور ایئر کنڈیشنر بنانے کے لیے مشہور میڈیا نامی چینی فرم اب چین کے کارخانوں میں مزدوری کے بڑھتے ہوئے اخراجات کو کم کرنے کے لیے ایک خود کار پیداواری نظام متعارف کروانا چاہتی ہے۔ اس طرح دنیا کی دوسری سب سے بڑی اقتصادی قوت یعنی چین میں دیگر صنعت کار بھی کوکا کے روبوٹس خریدنے میں دلچسپی لیں گے۔’کوکا‘ دنیا میں صنعتی روبوٹ تیار کرنے والی بڑی کمپنی ہیکوکا نے سن 2013 سے چین میں بھی اپنی ایک فیکٹری قائم کر رکھی ہے۔ میڈیا‘ نے ایک ایسے معاہدے پر بھی دستخط کر رکھے ہیں جس کی رو سے اگر کوکا کی خریداری کا سودا درحقیقت عمل میں آ جاتا ہے تو چین جرمنی میں ملازمتوں اور پلانٹس کی ضمانت دے گا۔ تاہم جرمنی میں اثر و رسوخ رکھنے والی میٹل ٹریڈ یونین اب بھی کوکا میں اکثریتی حصص جرمن ہاتھوں میں رکھنے پر مصر ہے۔ جب اس برس جولائی کے اوائل میں ’میڈیا‘ نے کوکا میں ٹیکنالوجی فرم وائتھ کے پچیس اعشاریہ ایک فیصد حصص خریدنے کے لیے پیشکش کی تھی تو کوئی بھی جرمن کمپنی خریدار کے طور پر آگے نہیں آئی تھی۔مزید بین الاقوامی خبریں
-
بارشوں کا 75 سالہ ریکارڈ ٹوٹ جانے کے باوجود صرف 24 گھنٹوں میں متحدہ عرب امارات کے متاثرہ علاقے کلیئر ہو گئے
-
ایران : اصفہان میں دھماکوں کی آوازیں اسرائیل نے میزائل حملہ کیا‘ امریکی میڈیا کا دعوی
-
یہ کوئی عام الیکشن نہیں، جمہوریت اور دستور کو بچانا ہے، راہول گاندھی
-
مکیش امبانی نے برطانیہ کا مشہوراسٹوک پارک خرید لیا
-
ایمریٹس ایئرلائن کا دبئی سے فلائٹ آپریشن مکمل بحال
-
شکاگو،حاملہ لڑکی کو قتل کرنے والی خاتون کو 50 سال قید کی سزا
-
دبئی میں ہوٹلوں کے کرایوں میں ہوشربا اضافہ
-
ایمریٹس کی دبئی کی کنکٹنگ فلائٹس کا سفری طریقہ کار معطل
-
اسلام سے نفرت کرنے والا امریکی فوجی اسلام کی تبلیغ کرنے لگا
-
ایک ہفتے میں 55 لاکھ سے زائد زائرین کی مسجد نبویﷺ آمد
-
اسرائیلی حملے پرمزید فیصلہ کن اورمناسب جواب دیا جائے گا، ایران
-
فلسطینی صدر نے امریکی ویٹو کی مذمت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.