پیپلزپارٹی سندھ کا سانحہ کوئٹہ کے خلاف کل یوم سوگ منانے کا اعلان
بند کریں
تازہ ترین ایڈ یشن کے لیے ابھی کلک کریں
پیر اگست

مزید اہم خبریں

وقت اشاعت: 08/08/2016 - 17:47:49 وقت اشاعت: 08/08/2016 - 17:47:49 وقت اشاعت: 08/08/2016 - 17:45:46 وقت اشاعت: 08/08/2016 - 17:43:38 وقت اشاعت: 08/08/2016 - 17:38:28 وقت اشاعت: 08/08/2016 - 17:34:41 وقت اشاعت: 08/08/2016 - 17:33:20 وقت اشاعت: 08/08/2016 - 17:32:09 وقت اشاعت: 08/08/2016 - 17:31:08 وقت اشاعت: 08/08/2016 - 17:30:06 وقت اشاعت: 08/08/2016 - 17:30:06
پچھلی خبریں - مزید خبریں

کراچی

پیپلزپارٹی سندھ کا سانحہ کوئٹہ کے خلاف کل یوم سوگ منانے کا اعلان

دہشگردوں نے معصوم شہریوں ،وکلاء اورمیڈیا کے لوگوں پر بزدلانہ حملہ کرکے ناقابل معافی جرم کیا ہے،نثار احمد کھوڑو

کراچی(اُردو پوائنٹ اخبارتازہ ترین۔8 اگست ۔2016ء) سندھ کے وزیر خوراک وپارلیمانی اموراور پی پی سندھ کوآرڈینیشن کمیٹی کے سربراہ نثار احمد کھوڑو نے کوئٹہ سول اسپتال واقعے پر گہرے دکھ اور افسوس کا اظہار کرتے ہوئے کہا کہ دہشگردوں نے معصوم شہریوں ،وکلاء اورمیڈیا کے لوگوں پر بزدلانہ حملہ کرکے انتہائی وحشیانہ، قابل مذمت اور ناقابل معافی جرم کیا ہے۔

نثار احمد کھوڑو نے اپنے ایک جاری کردہ بیان میں کہا ہے کہ کل(منگل) پارٹی کی جانب سے سندھ بھر میں سوگ منایا جائے گااور اس واقعہ کی مذمت کرتے ہوئے شہید ہونے والی روح کو ثواب پہنچانے کے لیئے خصوصی دعائیں کی جائیگی۔نثاراحمد کھوڑو نے کہا کہ 11اگست کو اقلیتی برادری کا دن پارٹی کی طرف سے ہر ضلعی ہیڈکوارٹرز میں بھرپور طریقے سے منایا جائے گا۔

انھوں نے کہا کہ پیپلز پارٹی لبرل اور سوشل ڈیموکریٹک پارٹی ہے جس کے منشور میں اقلیتوں کے حقوق کو خاص اہمیت دی گئی ہے۔نثار کھوڑو نے کہا کہ یوم آزادی 14اگست کوماضی کی طرح بھرپورطریقے سے منایا جائے گا۔انھوں نے کہا کہ پورے سندھ میں ضلعی ہیڈکوارٹرزسطح پر پارٹی آزادی کے دن کو شاندارطریقے سے منائے گی۔انھوں نے کہا کہ زندہ قومیں اپنی آزادی کا دن جوش وجذبے سے مناتی ہے ۔

انھوں نے کہا کہ آزادی ایک بڑی نعمت ہے جن قوموں نے قدر نہ کی وہ قومیں تاریخ میں ہمیشہ کے لیے مٹ جاتی ہیں ۔انھوں نے پارٹی کارکنان کو ہدایت کی کہ ہرضلعی سطح پر آزادی کا جشن شاندارطریقے سے مناکر یہ ثابت کریں کہ پاکستان کی عوام جمہوریت کے شیدائی اورآزادی کا تحفظ کرنا جانتی ہے۔انھوں نے کہا کہ 14اگست حقیقت میں آزادی کایوم تجدید ہے۔

08/08/2016 - 17:34:41 :وقت اشاعت