سپریم کورٹ نے حکومت سندھ سے کراچی میں پانی کی تقسیم، ہائڈرنٹس کے حوالے سے تفصیلی جواب طلب کرلیا
کراچی واٹراینڈ سیوریج بورڈ نے شہر میں غیر قانونی ہائیڈرنٹس کے حوالے سے رپورٹ سپریم کورٹ میں جمع کرادی سپریم کورٹ کا پانی کے میٹرز کی عدم تنصیب پر اظہار برہمی، کراچی میں والوو مین بادشاہ بنا ہوا ہے،جسٹس امیر ہانی مسلم کے ریمارکس
بدھ 3 اگست 2016 19:32
کراچی (اُردو پوائنٹ اخبارتازہ ترین - این این آئی۔3 اگست ۔2016ء) سپریم کورٹ آف پاکستان نے سندھ حکومت سے کراچی میں پانی کی تقسیم، ہائڈرنٹس اور دیگر پر تفصیلی جواب طلب کرتے ہوئے کیس کی سماعت دو ہفتوں کے لیے ملتوی کردی ہے ۔کراچی واٹراینڈ سیوریج بورڈ نے شہر میں غیر قانونی ہائیڈرنٹس کے حوالے سے رپورٹ سپریم کورٹ میں جمع کرادی ہے ۔عدالت عظمیٰ نے پانی کے میٹرز کی عدم تنصیب پر شدید اظہار برہمی کرتے ہوئے چیف انجینئر کو جواب دہی کے لیے فوری طور پر طلب کرلیا ہے ۔
بدھ کو سپریم کورٹ کراچی رجسٹری میں جسٹس امیر ہانی مسلم کی سربراہی میں تین رکنی بنچ نے شہر میں غیر قانونی ہائیڈرنٹس سے متعلق کیس کی سماعت کی ۔واٹر بورڈ انتظامیہ نے ہائیڈرنٹس کے متعلق رپورٹ عدالت میں جمع کرادی ہے ۔(جاری ہے)
رپورٹ کے مطابق شہر بھر سے غیر قانونی ہائیڈرنٹس ختم کر دئے ہیں۔11ہائیڈرنٹس واٹربورڈ خود چلارہا ہے ۔عدالت نے استفسار کیا کہ واٹربورڈ ہائیڈرنٹس کیوں چلارہا ہے ۔
ڈپٹی ایم ڈی واٹربورڈ نے عدالت کو آگاہ کیا کہ جن علاقوں میں جہاں پانی سپلائی نہیں ہوتا وہیں ٹینکر ذریعے پانی فراہم کیا جارہا ہے ۔سپریم کورٹ نے پانی کے میٹرز کی عدم تنصیب پر اظہار برہمی کرتے ہوئے استفسار کیا کہ اب تک شہر میں پانی کے میٹرز لگانے کا کام کیوں شروع نہیں ہوا۔حفیظ الدین ایڈوکیٹ نے عدالت کو آگاہ کیا کہ 2008 میں 44 کروڑ روپے کے میٹرز منگوائے گئے کچھ معلوم نہیں کہ میٹرز کہاں گئے۔عدالت نے ریمارکس دیئے کہ شہر میں بجلی کے 13 لاکھ صارفین ہیں تو پانی کے صرف 3 لاکھ رجسٹرڈ صارفین کیوں ہیں۔اس حوالے سے چیف انجینئر واٹربورڈ کو جواب دہی کے لیے فوری طور پر پیش ہونے کا حکم جاری کیا گیا ۔شہر میں پانی کے تقسیم کار کا بوسیدہ نظام ہونے پر اظہار برہمی کرتے ہوئے جسٹس امیر ہانی مسلم نے ریمارکس دیئے کہ کراچی میں والوو مین بادشاہ بنا ہوا ہے۔عدالت نے سندھ حکومت سے کراچی میں پانی کی تقسیم، ہائڈرنٹس اور دیگر پر تفصیلی جواب طلب کرلیا ،جس پر سندھ حکومت نے جواب جمع کرانے کے لیے مہلت طلب کرلی ہے ۔عدالت عظمیٰ نے کیس کی مزید سماعت دو ہفتوں کے لیے ملتوی کردی ہے ۔متعلقہ عنوان :
مزید قومی خبریں
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.