نجی ہوٹل میں لڑکی رابعہ کی موت کا معاملہ مزید الجھ گیا

لڑکی کو جب باتھ روم سے نکالا گیا تو اس کی سانسیں چل رہی تھیں،انتظامیہ

اتوار 31 جولائی 2016 17:10

لاہور (اُردو پوائنٹ اخبارتازہ ترین - آن لائن۔31 جولائی ۔2016ء) لاہور کے نجی ہوٹل میں لڑکی رابعہ کی موت کا معاملہ مزید الجھ گیا ہے ، ہوٹل انتظامیہ نے انکشاف کیا ہے کہ گولی لگنے کے بعد لڑکی کو جب باتھ روم سے نکالا گیا تو اس کی سانسیں چل رہی تھیں جس کے بعد اسے فوری طور پر ہسپتال منتقل کیا گیا جہاں وہ دم توڑ گئی۔

(جاری ہے)

تفصیلات کے مطابق تفتیشی افسر نے اپنی رپورٹ مرتب کر لی ہے جس میں کہا گیا ہے کہ لڑکی کے اہل خانہ کے بیانات میں تضاد ہے ، ہوٹل کے مین گیٹ پر خاتون گارڈ نہ ہونے کی وجہ سے لڑکی کی تلاشی نہیں لی گئی جس کے باعث وہ پستول اندر لے گئی۔

تفتیشی افسر کی رپورٹ میں کہا گیا ہے کہ لڑکی کا موبائل ڈیٹا کی تفصیل فرانز ک ٹیسٹ کے بعد سامنے آئے گی جبکہ پستول اور ہاتھوں کے نشانات کو بھی فرانزک لیب بھجوا دیا گیا ہے۔ذرائع کے مطابق لڑکی کی ہلاکت کے بعد یہ کہا گیا تھا کہ لڑکی کی موت ہوٹل میں ہی ہو گئی تھی جس کے بعد ہوٹل انتظامیہ کے دس ارکان کو حراست میں لیا گیا تھا، دوسری جانب گولی کی آواز سننے والے افراد کو بھی پولیس نے تفتیش کیلئے بلا لیا ہے۔

Facebook Twitter Google + Share on Whatsapp

نجی ہوٹل میں لڑکی رابعہ کی موت کا معاملہ مزید الجھ گیا

لڑکی کو جب باتھ روم سے نکالا گیا تو اس کی سانسیں چل رہی تھیں،انتظامیہ

متعلقہ عنوان :

مزید اہم خبریں