پائیدار امن کے حصول کیلئے ہمارا سفر پورے ملک میں بھرپور عزم کے ساتھ جاری رہے گا‘آرمی چیف
آج ہم جس پر امن فضا میں سانس لے رہے ہیں وہ عوام اور افواج کی بے پناہ قربانیوں کا ثمر ہے کامیابی کا دارو مدار قوم کی مکمل حمایت اور بالخصوص نوجوان نسل کے کلیدی کردار پر منحصر ہے شندورفیسٹیول نہ صرف نیشنل اور انٹرنیشنل ٹورازم کے فروغ کیلئے خوش آئند ہے بلکہ دہشتگرد عناصر کیلئے بھی پیغام ہے کہ ہم بلا خوف وخطر اپنی روایات کو انشاء اﷲ جاری رکھیں گے‘جنرل راحیل شریف کا شندور فیسٹیول کے شرکاء سے خطاب
اتوار 31 جولائی 2016 13:33
شندور/راولپنڈی (اُردو پوائنٹ اخبارتازہ ترین - این این آئی۔31 جولائی ۔2016ء) چیف آف آرمی سٹاف جنرل راحیل شریف نے کہا ہے کہ آج ہم جس پر امن فضا میں سانس لے رہے ہیں وہ عوام اور افواج پاکستان کی بے پناہ قربانیوں کا ثمر ہے - پائیدار امن کے حصول کیلئے ہمارا سفر پورے ملک میں بھرپور عزم کے ساتھ جاری رہے گا- کامیابی کا دارو مدار قوم کی مکمل حمایت اور بالخصوص نوجوان نسل کے کلیدی کردار پر منحصر ہے- دہشت گردوں اور ان کے مددگاروں پر زمین تنگ ہو چکی ہے‘ انشاء اﷲ وہ دن دور نہیں جب ہمارا وطن دنیامیں تعلیم وترقی اور امن وسلامتی کی پہچان بنے گا- خوشی کا موقع ہو یا مصیبت کی گھڑی ٗ افواج پاکستان اپنے وطن کے دفاع اور ا عوام کیلئے کسی بھی قسم کی قربانی سے دریغ نہیں کریں گی‘ آئی ایس پی آر کے مطابق اتوار کوشندور فیسٹیول کے شرکاء سے خطاب کرتے ہوئے پاک فوج کے سربراہ نے کہا کہمجھے انتہائی خوشی ہے کہ میں آج شندور کے اس پر فضا مقام پر چترال اور گلگت بلتستان کے غیور‘ باصلاحیت اور پراعتمادنوجوانوں کے درمیان موجود ہوں- آپ کی بڑی تعداد نے اس فیسٹیول میں شرکت کرکے جس جذبے کا اظہار کیا ہے وہ انتہائی قابل ستائش اور ایک زند دل قوم کی مثال ہے-انہوں نے کہا کہ یہ فیسٹیول نہ صرف نیشنل اور انٹرنیشنل ٹورازم کے فروغ کیلئے خوش آئند ہے بلکہ دہشت گرد عناصر کیلئے بھی پیغام ہے کہ ہم بلا خوف وخطر اپنی روایات کو انشاء اﷲ جاری رکھیں گے- یہ رنگا رنگ تقریب اس عظیم وطن کے روشن مستقبل کی دلیل اور پاکستان کی ترقی اور سلامتی کی ترجمان ہے-آرمی چیف نے کہا کہ آج ہم جس پر امن فضا میں سانس لے رہے ہیں وہ عوام اور افواج پاکستان کی بے پناہ قربانیوں کا ثمر ہے- آپریشن ضرب عضب اسی جذبے اور پختہ یقین کا تسلسل ہے - پائیدار امن کے حصول کیلئے ہمارا یہ سفر پورے ملک میں بھرپور عزم کے ساتھ جاری رہے گا- اس سفر میں کامیابی کا دارو مدار قوم کی مکمل حمایت اور بالخصوص نوجوان نسل کے کلیدی کردار پر منحصر ہے- جنرل راحیل شریف نے کہا کہ میں آپ کو یقین دلاتا ہوں کہ دہشت گردوں اور ان کے مددگاروں پر زمین تنگ ہو چکی ہے- انشاء اﷲ وہ دن دور نہیں جب ہمارا وطن دنیا دنیا میں تعلیم وترقی اور امن وسلامتی کی پہچان بنے گا-انہوں نے کہا کہ مجھے احساس ہے کہ چترال اور گلگت کے لوگ مشکل در سے گزر رہے ہیں- یہ علاقہ دور دراز ہونے کے ساتھ ساتھ زمینی آفات کا بھی شکار رہا ہے- آپ کو معلوم ہے کہ ان تمام آفات اور مشکلات میں پاک فوج اور ایف سی کے جوانوں اور ڈاکٹروں نے آپ سب کا بھرپور ساتھ دیا-پاک فوج کے ہیلی کاپٹروں نے زخمیوں اور سیلاب میں پھنسے لوگوں کومحفوظ مقام پر منتقل کیا اور بہت سارے ریلیف کیمپ قائم کئے- ایف ڈبلیو او نے پچاس سے زائد جگہوں پر پلوں اورتمام اہم سڑکوں کی بروقت مرمت کرکے آمد ورفت کو بحال کیا- ایس سی او جو فوج کا ایک اہم ادارہ ہے وہ دن رات کی کا وش کے ساتھ آپ کو ٹیلی کام کی سہولیات فراہم کر رہا ہے- ان سب اداروں اور لوکل گورنمنٹ کو خراج تحسین پیش کرتا ہوں-انہوں نے کہا کہ یاد رکھیے چاہے خوشی کا موقع ہو یا مصیبت کی گھڑی ٗ افواج پاکستان اپنے وطن کے دفاع اور اپنی عوام کیلئے کسی بھی قسم کی قربانی سے دریغ نہیں کریں گی ہم انشاء اﷲ ملکر ان علاقوں میں زندگی کی سہولیات کو مزید بہتر بنائینگے ۔
(جاری ہے)
متعلقہ عنوان :
مزید اہم خبریں
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
-
پولیس وردی پہننے پر مریم نواز کیخلاف مقدمہ درج کرنے کی درخواست دائر
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم کاملیریا کے عالمی دن پر پیغام
-
پاکستان میں انسانی حقوق کی صورتحال پر پینٹاگون کی رپورٹ:ملا جُلا رد عمل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.