اپوزیشن جماعتوں کا مشاورتی اجلاس (کل )ڈاکٹر طاہر القادری کی زیر صدارت ہو گا
حزب مخالف کی تمام جماعتوں کو شرکت کی دعوت دی ہے ، قومی امور پر مشاورت ہو گی‘خرم نواز گنڈاپور
ہفتہ 30 جولائی 2016 17:42
لاہور ( اُردو پوائنٹ اخبارتازہ ترین - این این آئی۔30 جولائی ۔2016ء) اپوزیشن جماعتوں کا قومی مشاورتی اجلاس کل ( اتوار ) 31 جولائی عوامی تحریک کے مرکزی سیکرٹریٹ میں سہ پہر ہو گا۔ پاکستان عوامی تحریک کے سیکرٹری جنرل خرم نواز گنڈاپور نے گزشتہ روز مرکزی سیکرٹریٹ میں اخبار نویسوں سے گفتگو کرتے ہوئے کہا کہ سانحہ ماڈل ٹاؤن کے انصاف کیلئے حکمت عملی طے کر لی ہے جس کا اعلان سربراہ عوامی تحریک ڈاکٹر طاہر القادری کل 31 جولائی کو اپوزیشن جماعتوں کے مشاورتی اجلاس کے بعد کرینگے۔
انہوں نے کہا کہ شریف برادران انصاف کے راستے کی رکاوٹ ہیں۔ 2 سال گزرجانے کے بعد بھی انصاف نہیں ملا اور نہ موجودہ حکمرانوں کے ہوتے ہوئے ملے گا کیونکہ موجودہ حکمران خود سانحہ ماڈل ٹاؤن میں ملوث ہیں۔(جاری ہے)
قاتل حکمرانوں نے غیر جانبدارانہ تفتیش ہونے دی اور نہ ٹرائل ہونے دے رہے ہیں اس لیے ہمارا موقف یہ ہے کہ آرمی چیف ہمیں انصاف دلوائیں۔ پاکستان عوامی تحریک کے ڈپٹی سیکرٹری جنرل خواجہ عامر فرید کوریجہ نے اس موقع پر اخبار نویسوں سے گفتگو کرتے ہوئے کہا کہ پاکستان کی تمام جماعتوں، سول سوسائٹی اور انسانی حقوق کی تنظیموں سے کہتے ہیں کہ وہ سانحہ ماڈل ٹاؤن کے انصاف کیلئے شہدائے ماڈل ٹاؤن کا ساتھ دیں۔
اگر ماڈل ٹاؤن کے ذمہ داروں کو سزا نہ ملی تو طاقتور حکمران اپنے سیاسی مفادات کیلئے کمزور عوام کو گاجر مولی کی طرح کاٹتے رہیں گے۔ پاکستان عوامی تحریک سندھ کے صدر اور سنٹرل کور کمیٹی کے ممبر مخدوم ندیم ہاشمی، ڈاکٹر ایس ایم ضمیر، فیاض وڑائچ اورسردار شاکر مزاری نے مرکزی سیکرٹریٹ میں اخبار نویسوں سے گفتگو کرتے ہوئے کہا ہے کہ ہم پرامن لوگ ہیں اور آئین و قانون کے مطابق انصاف مانگ رہے ہیں۔ 2 سال گزر جانے کے بعد بھی ہمارے 14 شہید اور 90 سے زائد زخمیوں کو انصاف نہیں ملا ۔ہم انصاف کے اداروں سے پوچھتے ہیں کہ 17 جون 2014 ء کے دن ہمارے 14 کارکنوں کو کس جرم کی پاداش میں قتل اور 90 سے زائد کو عمر بھر کیلئے معذور کیا گیا؟۔انہوں نے کہا کہ ہمیں کسی ادارے نے انصاف نہیں دیا،اب ہمارے پاس انصاف کیلئے سڑکوں پر آنے کے سوا اور کوئی راستہ نہیں بچا اور ہم سمجھتے ہیں کہ ہماری ایف آئی آر آرمی چیف نے درج کروائی وہی ہمیں انصاف دلوائیں گے۔ مخدوم ندیم ہاشمی نے کہا کہ سربراہ عوامی تحریک آج کے اجلاس کے اختتام پر آئندہ کے احتجاجی لائحہ عمل کا اعلان کرینگے۔وہ جو بھی اعلان کرینگے کارکن اس پر لبیک کہیں گے۔فیڈرل کونسل انہیں پہلے ہی فیصلوں کا اختیار دے چکی ہے۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.