بھارت کا ایک بار پھر کنٹرول لائن کے ذریعے پاکستان پر دراندازی کا الزام عائد‘دو مبینہ جنگجو ہلاک کرنے کا دعویٰ
میاں محمد ندیم ہفتہ 30 جولائی 2016 16:59
سری نگر(اردو پوائنٹ اخبارتازہ ترین-انٹرنیشنل پریس ایجنسی۔30جولائی۔2016ء) بھارت نے ایک بار پھر کنٹرول لائن کے ذریعے پاکستان پر دراندازی کا الزام عائد کرتے ہوئے دو مبینہ جنگجو ہلاک کرنے کا دعویٰ کیا ہے جبکہ پاکستان نے بھارتی الزام کی تردید کرتے ہوئے اسے مستردکیا ہے۔بھارتی نشریاتی ادارے کے مطابق بھارتی فوج نے بیان جاری کیا ہے کہ لائن آف کنٹرول کے ذریعے گزشتہ شب مشتبہ دہشتگردوں نے سرحد پار سے مقبوضہ کشمیر میں داخل ہونے کی کوشش کی اور فائرنگ کے تبادلے میں دو کشمیری حریت پسند مارے گئے۔
بھارتی فوج کے کرنل این این جوشی نے بتایا کہ دہشتگردوں اور فوجی اہلکاروں کے درمیان فائرنگ کا تبادلہ سری نگر کے شمال مغرب کی طرف 75 میل کے فاصلے پر واقع نوگام سیکٹر میں پیش آیا۔(جاری ہے)
انہوں نے مزید بتایا کہ فائرنگ کے نتیجے میں بھارتی فوج کے دو اہلکار بھی ہلاک ہوئے جبکہ ایک فوجی شدید زخمی ہے۔واضح رہے کہ مقبوضہ کشمیر میں 8 جولائی کو حزب المجاہدین کے کمانڈر برہان وانی کی ہندوستانی فورسز کے ہاتھوں شہادت کے بعد سے حالات کشیدہ ہیں اور فورسز کی فائرنگ سے اب تک 60 سے زائد کشمیری شہید ہوچکے ہیں جبکہ سینکڑوں زخمی ہیں۔
گزشتہ 23 دن سے کشمیر میں کرفیو نافذ ہے جس کی وجہ سے لوگوں کو شدید مشکلات کا سامنا ہے، سکول اور کاروباری مراکز بند ہیں جبکہ انٹرنیٹ سروس بھی معطل ہے، موبائل نیٹ ورکس جزوی طور پر بحال ہونا شروع ہوگئے ہیں۔بھارت ہمیشہ پاکستان پر الزام لگاتا ہے کہ وہ مسلح جنگجوﺅں کو کنٹرول لائن کے ذریعے بھیجتا ہے جو اس کے فوجیوں پر حملے کرتے ہیں۔تاہم پاکستان اس الزام کی سختی سے تردید کرتا ہے اور اس کا موقف ہے کہ وہ کشمیریوں کی جدوجہد آزادی کی محض سفارتی اور اخلاقی معاونت کرتا ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.