قندیل بلوچ قتل کیس، ملزم حق نوازکا دوران تفتیش 4 مزید افراد کے ملوث ہونے کا اعتراف

ہفتہ 30 جولائی 2016 11:43

ملتان (اُردو پوائنٹ اخبارتازہ ترین - آئی این پی۔30 جولائی ۔2016ء) ملتان میں قندیل بلوچ قتل کیس میں اہم پیشرفت ہوئی ، ملزم حق نواز نے دوران تفتیش 4 مزید افراد کے ملوث ہونے کا اعتراف کر لیا جبکہ مفتی عبدالقوی نے پولیس کی جانب سے بھیجے گئے سوالناموں کا جواب بھی بھجوا دیا۔ قندیل بلوچ قتل کیس میں مفتی عبدالقوی نے پولیس کی جانب سے بھیجے گئے سوالنامے کے جوابات پولیس کو بھجوا دئیے ہیں۔

(جاری ہے)

ذرائع کے مطابق مفتی عبدالقوی نے پولیس کو بیان ریکارڈ کراتے ہوئے کہا کہ وہ قندیل بلوچ سے پہلی بار کراچی ہوٹل کی لابی میں ملا تھا اور اس کا قتل سے کوئی تعلق نہیں۔ دوسری طرف دوران تفتیش ملزم حق نواز نے انکشاف کیا ہے کہ واردات میں مزید انکے 4 رشتے دار بھی شامل ہیں جن کی گرفتاری کے لئے پولیس چھاپے مار رہی ہے جبکہ قتل کی منصوبہ بندی بیرون ملک کی گئی اور وسیم کا بھائی عارف بھی تمام منصوبہ بندی میں شامل ہے جس کو انٹر پول کے ذریعے واپس لاکر تفتیش کی جائے گی۔