این ٹی ڈی سی میں 234طلباء کا انٹرشپ پروگرام اختتام پذیر
طلباء آگے بڑھیں اور ملک کی خدمت کریں‘ایم ڈی این ٹی ڈی سی ڈاکٹر فیاض احمد چودھری
جمعہ 29 جولائی 2016 20:54
لاہور ( اُردو پوائنٹ اخبارتازہ ترین - این این آئی۔29 جولائی ۔2016ء) نیشنل ٹرانسمیشن اینڈ ڈسپیچ کمپنی لمیٹڈ (این ٹی ڈی سی)کی زیر اہتمام ملک بھر کی 30یونیورسٹیوں سے 234طلباء کا انٹرنشپ پروگرام اختتام پذیر ہوگیا ۔ یہ پروگرام 6ہفتے قبل کارپوریٹ سماجی ذمہ داری کے اقدام کے تحت شروع کیا گیا تھا ۔ اس سلسلے میں واپڈا ہاؤس میں سرٹیفکیٹس اور وظائف کی تقسیم کے لئے ایک تقریب کا انعقاد کیا گیا جس کے مہمان خصوصی منیجنگ ڈائریکٹر این ٹی ڈی سی ڈاکٹر فیاض احمد چودھری تھے ۔
ایم ڈی این ٹی ڈی سی ڈاکٹر فیاض احمد چودھری نے کامیاب انٹرن شپ مکمل کرنے پر طالب علموں کو مبارک باد دی اور کہا کہ طلباء کے والدین اساتذہ کرام بھی مبارک باد کے مستحق ہیں جنہوں نے ان پر پیسے اور وقت کی سرمایہ کاری کی ۔(جاری ہے)
انہوں نے کہا کہ ملک کوبجلی کی لوڈ شیڈنگ سمیت مختلف چینلجز درپیش ہیں اور بجلی کی طلب میں آئے روز اضافہ ہورہا ہے ۔ نوجوان انجینئرز اپنے اپنے شعبوں میں آگے بڑھیں اوراپنی صلاحیتوں کو بروئے کار لاتے ہوئے پاور سیکٹر میں ٹیکنالوجی کے بدلتے ہوئے رجحانات سے لیس ہو کر ملک و قوم کی خدمت کریں ۔
اور یہ صرف گزرنے والے ہر لمحے کی خوداحتسابی سے ممکن ہوسکتا ہے ۔ ڈاکٹر فیاض احمد نے اپنے بیرون ملک کمپنیوں میں کام کرنے کا تجربہ اور مہارت بارے بھی طلباء کو بتایا ۔ انہوں نے کہا کہ ملک کی خدمت ان کا خواب تھا جو بطور ایم ڈی این ٹی ڈی سی تعیناتی پر پورا ہوا ۔این ٹی ڈی سی کا یہ انٹرن شپ پروگرام ملک کا سب سے بڑا پروگرام ہے جس میں انجینئرنگ، اکاؤنٹس اینڈ فنانس ، انفارمیشن ٹیکنالوجی اور انسانی وسائل کے شعبوں سے طلباء کو سیکھنے کے مواقع ملتے ہیں اور این ٹی ڈی سی کی مختلف شعبوں کی تجربہ کار افرادی قوت ان کی تکنیکی اور انتظامی صلاحیتوں کو نکھارنے میں اہم کردار ادا کرتے ہیں۔پروگرام کے اختتام پرانٹرنشپ کرنیوالے طلباء کے لئے ایک تحریری امتحان کا انعقاد کیا گیا جس میں یونیورسٹی آف انجینئرنگ اینڈ ٹیکنالوجی کے برہان احمد، لاہور کالج فار ویمن یونیورسٹی کی طیبہ، کنیئرڈ کالج کی سباتا خورشید اورسرگودھا یونیورسٹی کے عمر سجاد نے بالترتیب انجینئرنگ، فنانس، ایچ آر اور انفارمیشن ٹیکنالوجی کے شعبوں میں پہلی پوزیشن حاصل کی۔ بعد ازاں ایم ڈی این ٹی ڈی ڈاکٹر فیاض احمد چودھری نے طلباء میں سرٹیفیکیٹس اور وظائف تقسیم کیے۔ اس موقع پر این ٹی ڈی سی کے جنرل مینیجرز، چیف انجینئرز، فنانس ڈائریکٹر، ڈی جی ایچ آر اینڈ ایڈمن، ڈائریکٹرز اور دیگرافسران بھی موجود تھے۔متعلقہ عنوان :
مزید تعلیم کی خبریں
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
-
انٹرمیڈیٹ پارٹ ٹو کے سالانہ امتحانات 19 اپریل سے شروع ہونگے
-
ساہیوال بورڈ کے زیر انتظام انٹرمیڈیٹ (پہلا سالانہ) امتحان 2024 جمعہ 19اپریل سے شروع ہو گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.