مسلم لیگ(ق) کے سربراہ چوہدری شجاعت حسین سے مسلم لیگ (ق) یوتھ ونگ کے وفد کیملاقات
نوجوان کسی بھی جماعت میں ریڑھ کی ہڈی کی حیثیت رکھتے ہیں ،پارٹی کے پیغام کو ملک کے کونے کونے میں پہنچانے میں یوتھ ونگ کا اہم کردار ہے، چوہدری شجاعت
جمعرات 28 جولائی 2016 22:35
اسلام آباد/کراچی (اُردو پوائنٹ اخبارتازہ ترین - آئی این پی۔28 جولائی ۔2016ء ) پاکستان مسلم لیگ (ق) کے سربراہ چوہدری شجاعت حسین سے مسلم لیگ (ق) یوتھ ونگ کے مرکزی صدر سیدبلال شیرازی کی قیادت میں ایک وفد نے ان کی رہائش پر ملاقات کی ہے ۔سیدبلال شیرازی نے چوہدری شجاعت حسین کو ملک بھر میں یوتھ ونگ کی سرگرمیوں سے آگاہ کیا ۔اس موقع پر گفتگو کرتے ہوئے چوہدری شجاعت حسین نے کہا کہ نوجوان کسی بھی جماعت کااثاثہ ہوتے ہیں اور ریڑھ کی ہڈی کی حیثیت رکھتے ہیں ۔
سیکرٹری اطلاعات سید فرحان شاہ کے مطابق چوہدری شجاعت حسین نے کہاکہ پارٹی کے پیغام کو ملک کے کونے کونے میں پہنچانے میں یوتھ ونگ کا اہم کردار ہے ۔مسلم لیگ (ق) نے اپنے دور حکومت میں نوجوانوں کے لیے روزگار کی فراہمی اور فنی تربیت کے لیے متعدد پروگرام شروع کیے اور ان کے ذریعہ ہزاروں نوجوانوں کو روزگار فراہم کیا گیا تھا ۔(جاری ہے)
مسلم لیگ (ق) نوجوانوں کی صلاحیتوں سے فائدہ اٹھارہی ہے ۔
ملک بھر کے نوجوانوں کے لیے مسلم لیگ (ق) سے بہتر کوئی پلیٹ فارم نہیں ہے ،جہاں ان کی صلاحیتوں کو تسلیم کیا جاتا ہے ۔انہوں نے کہا کہ مسلم لیگ (ق) نوجوانوں کے بہتر مستقبل کے لیے ایک وژن رکھتی ہے ۔چاروں صوبوں ،گلگت بلتستان اور آزاد کشمیر میں یوتھ ونگ کے کارکنان ہراول دستہ کا کردار ادا کررہے ہیں ۔آئندہ انتخابات میں مسلم لیگ (ق) نوجوانوں کو ملک بھر میں انتخابی ٹکٹ دے گی اور یہ نوجوان قیادت ملک کے مسائل کے بھنور سے نکالنے کے لیے اپنا کردار ادا کرے گی ۔انہوں نے کہا کہ موجودہ حکومت نے نوجوانوں کے لیے کوئی تعمیری منصوبہ شروع نہیں کیا ہے ۔طلبہ میں لیپ ٹاپ کی تقسیم ان کو کوئی فائدہ حاصل نہیں ہورہا ہے ۔وزیراعظم یوتھ لون اسکیم سے محض من پسند افراد کو نوازا گیا اور یہ اسکیم بری طرح ناکام ہوگئی ہے ۔ ضرورت اس امر کی ہے کہ نوجوانوں کے لیے فنی تربیت سمیت ایسے پروگرام شروع کیے جائیں ،جن کے ذریعہ وہ اپنا مستقبل بہتر بناسکیں ۔چوہدری شجاعت حسین نے یوتھ ونگ کی کارکردگی کو سراہتے ہوئے کہا کہ پارٹی قیادت یوتھ ونگ کے کارکنوں کے جذبے کو ستائش کی نگاہ سے دیکھتی ہے ۔متعلقہ عنوان :
مزید اہم خبریں
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.