سپریم کورٹ نے سرکاری ہسپتالوں میں ادویات چوری اور بنیادی سہولیات کی عدم فراہمی کیخلاف از خود نوٹس میں 3سال میں خریدے آکسیجن سلنڈر کی قیمتوں‘ادویات ‘ جراحی مشینوں اور لیبارٹریوں کی تمام تفصیلات طلب کرلیں
بادی النظر 3سال کے کنٹریکٹ پر آکسیجن سلنڈر کی خریداری میں پیپرا رولز کی خلاف ورزی کی گئی ہے ‘ سرکاری اسپتالوں میں نصب تمام آلات خراب ہیں‘ الٹرا ساؤنڈ‘ سٹی سکین اور ایکسرے مشینیں کام نہیں کرتیں‘ آلاتِ جراحی یا بیشتر خود خراب کردیئے جاتے ہیں اس پر عدالت چشم پوشی اختیار نہیں کرسکتی جسٹس اعجاز افضل خان کے دوران سماعت ریمارکس
جمعرات 28 جولائی 2016 22:12
اسلام آباد (اُردو پوائنٹ اخبارتازہ ترین - آئی این پی۔28 جولائی ۔2016ء) سپریم کورٹ نے سرکاری ہسپتالوں میں ادویات چوری اور بنیادی سہولیات کی عدم فراہمی کے خلاف از خود نوٹس کیس کی سماعت کے دوران گزشتہ تین سال کے دوران خریدے جانیوالے آکسیجن سلنڈر کی قیمتوں‘جان بچانے والی ادویات کی دستیابی‘ جراحی مشینوں اور لیبارٹریوں کی تمام تفصیلات طلب کرتے ہوئے سماعت 12اگست تک ملتوی کردی جبکہ جسٹس اعجاز افضل نے ریمارکس دئیے ہیں کہ بادی النظر تین سال کے کنٹریکٹ پر آکسیجن سلنڈر کی خریداری میں پیپرا رولز کی خلاف ورزی کی گئی ہے۔
سرکاری اسپتالوں میں نصب تمام آلات خراب ہیں۔ الٹرا ساؤنڈ‘ سٹی سکین اور ایکسرے مشینیں کام نہیں کرتیں‘ آلاتِ جراحی یا بیشتر خود خراب کردیئے جاتے ہیں اس پر عدالت چشم پوشی اختیار نہیں کرسکتی۔(جاری ہے)
جمعرات کو جسٹس اعجاز افضل خان کی سربراہی میں 2 رکنی بنچ نے سرکاری ہسپتالوں میں ادویات چوری اور بنیادی سہولیات کی عدم فراہمی کے خلاف از خود نوٹس کیس کی سماعت کی۔
اس دوران فاضل عدالت نے گزشتہ تین سال کے دوران خریدے گئے آکسیجن سلنڈروں سے متعلق تفصیلات طلب کرلیں۔ اس موقع پر درخواست گذار نے موقف اختیار کیا کہ پمز اور پولی کلینک میں آکسیجن سلنڈر 7ہزار سے لیکر 30ہزار روپے میں خریدے گئے۔ دوسری جانب نجی اسپتالوں نے فی آکسیجن سلنڈر صرف 3,3ہزار روپے میں حاصل کئے۔ اس پر جسٹس اعجاز افضل نے ریمارکس دیئے کہ بادی النظر تین سال کے کنٹریکٹ پر آکسیجن سلنڈر کی خریداری میں پیپرا رولز کی خلاف ورزی کی گئی ہے۔ سرکاری اسپتالوں میں نصب تمام آلات خراب ہیں۔ الٹرا ساؤنڈ‘ سٹی سکین اور ایکسرے مشینیں کام نہیں کرتیں‘ آلاتِ جراحی یا بیشتر خود خراب کردیئے جاتے ہیں اس پر عدالت چشم پوشی اختیار نہیں کرسکتی۔ جسٹس اعجاز افضل نے کہا کہ سرکاری ہسپتال جانیوالوں کی اکثریت غریب ہوتی ہے جنہیں ہزاروں روپے ادا کرکے باہر سے ٹیسٹ کرانا پڑتے ہیں۔ عدالت نے گزشتہ تین سال کے دوران خریدے جانیوالے آکسیجن سلنڈر کی قیمتوں‘جان بچانے والی ادویات کی دستیابی‘ جراحی مشینوں اور لیبارٹریوں کی تمام تفصیلات طلب کرتے ہوئے سماعت 12اگست تک ملتوی کردی۔…متعلقہ عنوان :
مزید اہم خبریں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.