نریندر مودی کیخلاف ملین مارچز کرنے ، تقسیم کشمیر کیخلاف رکاوٹ ہونے کی وجہ سے ہرایا گیا ،بیرسٹر سلطان محمود
مقبوضہ کشمیر کی آزادی کیلئے جدوجہد جاری رکھیں گے،بھارتی مظالم کو ہر فورم پر جارحانہ انداز میں اٹھائیں گے ، صدرپی ٹی آئی آزاد کشمیر
جمعرات 28 جولائی 2016 20:20
اسلام آباد (اُردو پوائنٹ اخبارتازہ ترین - این این آئی۔28 جولائی ۔2016ء) آزاد کشمیر کے سابق وزیر اعظم وپی ٹی آئی کشمیر کے صدر بیرسٹر سلطان محمود چوہدری نے کہا ہے کہ مجھے بھارتی وزیر اعظم نریندر مودی کے خلاف دنیا بھر میں ملین مارچز کرنے اور تقسیم کشمیر کے خلاف بڑی رکاوٹ ہونے کی وجہ سے ہرایا گیا ہے تاکہ موجودہ کٹھ پتلی اسمبلی سے مجھے باہر رکھا جا سکے اورتقسیم کشمیر کی راہ ہموار کی جا سکے۔
لیکن میں اس بات کا اعادہ کرتا ہوں کہ ہم مقبوضہ کشمیر کی آزادی کے لئے اپنی جدوجہد جاری رکھیں گے اور مقبوضہ کشمیر میں جاری بھارتی مظالم کو ہر فورم پر جارحانہ انداز میں اٹھائیں گے اور کسی صورت مقبوضہ کشمیر کے عوام کو تنہاء نہیں چھوڑیں گے اور ہماری یہ جدوجہد مقبوضہ کشمیر کی آزادی تک جاری رہے گی۔(جاری ہے)
اور بھارت اور مودی کے مکروہ چہرے کو ہر فورم پر بے نقاب کیا جائے گا ۔
ان خیالات کا اظہار انھوں نے آج یہاں اسلام آباد میں اپنی رہائشگاہ پرمختلف وفودسے تفصیلی ملاقات کرتے ہوئے کیا۔اس موقع پروفو د میں پی ٹی آئی کشمیر کے مرکزی نائب صدر زاہد اقبال ہاشمی، برمنگم سے بیرسٹر کرامت حسین،سرداررحیم،پی ٹی آئی کشمیر اسلام آباد کی صدر خولہ خان اور دیگر شامل تھے۔ بیرسٹر سلطان محمود چوہدری نے کہا کہ میں نے مودی کے خلاف دنیا بھر میں ملین مارچز کیے جن میں لندن کے ٹرائفلگر اسکوائر کے سامنے ملین مارچ، نیویارک میں اقوام متحدہ کے سامنے ملین مارچ،برطانوی وزیر اعظم کی رہائشگاہ ٹین ڈاؤننگ اسٹریٹ، برسلز ، پیرس اور دیگر جگہوں پر ملین مارچز کرکے مودی کے بھیانگ چہرے کو بے نقاب کیا اور بھارت کا مکروہ چہرہ دنیا پر آشکار کیا اورمیں نے مودی کا ہر جگہ پیچھا کیا جس سے مودی دفاعی پوزیشن پر آگیا تھا۔اسی طرح مجھے تقسیم کشمیر کی راہ میں بڑی رکاوٹ ہونے کی وجہ سے بھی آزاد کشمیر کے ان انتخابات میں ہرایا گیا تاکہ مودی کو خوش کیا جا سکے۔انھوں نے کہا کہ میں مقبوضہ کشمیر کے عوام کو یقین دلاتا ہوں کہ وہ اپنی آزادی کی اس جدو جہد میں تنہا نہیں بلکہ آزاد کشمیر کا بچہ بچہ انکی اس جدو جہد میں انکے ساتھ ہے اور مقبوضہ کشمیر کی آزادی تک ہماری یہ جدوجہد جاری رہے گی۔متعلقہ عنوان :
مزید اہم خبریں
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
اینٹی کرپشن عدالت نے پرویزالٰہی اورمحمد خان بھٹی کو فرد جرم عائد کرنے کیلئے 4اپریل کو طلب کرلیا
-
کیا جرمنی شام کی اسد حکومت کی بالواسطہ مالی مدد کر رہا ہے؟
-
بھائی کے ہاتھوں قتل ہونے والی ماریہ کی ابتدائی میڈیکل رپورٹ منظر عام پر آگئی
-
وزیراعظم نے مشترکہ مفادات کونسل کی تشکیل نو کر دی،وزیرخزانہ کی جگہ وزیرخارجہ کونسل میں شامل
-
اللہ کو حاضر ناظرجان کر کہتا ہوں کسی کے ساتھ کوئی ناانصافی نہیں کی ،چیف جسٹس پشاور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.