بشار اسد کی دہشت گردوں کو عام معافی کی پیشکش

جمعرات 28 جولائی 2016 11:30

دمشق ۔ 28 جولائی (اُردو پوائنٹ اخبارتازہ ترین - اے پی پی۔28 جولائی ۔2016ء) شام کے صدر بشار اسد نے کہا ہے کہ اگر دہشت گرد ہتھیار ڈال دیں تو انھیں عام معافی دے دی جائے گی۔ایرانی خبر رساں ادارے کے مطابق کی رپورٹ کے مطابق بشار اسد نے یونان کے اے ٹی وی سے بات چیت کرتے ہوئے کہا کہ شام میں دہشت گردی کی کارروائیاں شروع ہونے کے وقت سے ہی ہم نے دہشت گردوں کے سامنے یہ آپشن رکھا تھا کہ اگر وہ اپنے ہتھیار زمین پر ڈال دیں تو انھیں عام معافی دے دی جائے گی۔

(جاری ہے)

انھوں نے کہا کہ اس وقت بھی اس معافی پر عمل ہو رہا ہے اور تقریبا 3 سال سے جودہشت گرد اپنی معمول کی زندگی کی طرف واپس پلٹنے کے لیے ہتھیار ڈال دیتے ہیں انھیں معافی دے دی جاتی ہے۔شام کے صدر نے مزید کہا کہ جو دہشت گرد معمول کی زندگی کی طرف واپس پلٹ آتے ہیں وہ اگر چاہیں تو سیاسی سرگرمیوں اورانتخابات میں بھی حصہ لے سکتے ہیں۔بشار اسد کا یہ اقدام شام میں امن قائم کرنے اور اس ملک میں خونریز تشدد اور جھڑپوں کو ختم کرنے کی ایک کوشش ہے۔واضح رہے کہ اس معافی میں وہ دہشت گردانہ جرائم شامل نہیں ہیں کہ جو دہشت گردی کے خلاف جنگ کے قانون میں آئے ہیں۔

Facebook Twitter Google + Share on Whatsapp

بشار اسد کی دہشت گردوں کو عام معافی کی پیشکش

متعلقہ عنوان :

مزید بین الاقوامی خبریں