اقتصادی راہداری منصوبہ میں چینی کمپنیوں کے لئے پاکستان میں سرمایہ کاری کے مواقع پیدا کر رہے ہیں
چینی ریلوے کمپنی کے چیئرمین کا تقریب سے خطاب
بدھ 27 جولائی 2016 19:00
اسلام آباد(اُردو پوائنٹ اخبارتازہ ترین - آئی این پی۔27 جولائی ۔2016ء ) چین کی شندونگ جینن بلونتے ریلوے کمپنی کے چیئرمین نے کہا ہے کہ اقتصادی راہداری منصوبہ نے چینی کمپنیوں کے لئے پاکستان میں سرمایہ کاری کے زبردست مواقع پیدا کئے ہیں ۔ریلوے کمپنی کے چیئرمین ژنگ گو لیانگ 11رکنی وفد کے ساتھ پاکستان میں سرمایہ کاری کے مواقع تلاش کرنے کے لئے دورے پر موجود ہیں ۔
وفد میں ریلوے کے سازوسامان بنانے والی کمپنی شیشہ بنانے ،سمندری حیات ،تعمیرات ، مکینیکل ،توانائی کے آلات ، کنٹریکٹرزاورریئل اسٹیٹس سے تعلق رکھنے والی چین کی معروف کاروباری شخصیات شامل ہیں جو پاکستان میں مشترکہ سرمایہ کاری کے ذریعے کاروبار کرنے میں دلچسپی رکھتے ہیں ۔ وفد نے بدھ کے روز اسلام آباد چیمبر آف کامرس کا دورہ کیا۔(جاری ہے)
چیمبرز آف کامرس میں ایک تقریب سے خطاب کرتے ہوئے ژانگ گو لیانگ نے کہا کہ چینی کمپنیاں پاکستان میں سرمایہ کاری کے نئے مواقع تلاش کرنے اور مشترکہ کاروبار شروع کرنے میں دلچسپی رکھتی ہیں ۔
پاکستان کو اپنی معاشی صلاحیتوں کی چین میں زیادہ بہتر طریقے سے مارکیٹنگ کرنے کی ضرورت ہے ۔ پاکستانی معیشت زیادہ بہتر طریقے سے نتائج دیتے ہوئے کاروبار کے بہتر مواقع پیدا کر رہی ہے ۔ اس موقع پر اسلام آباد چیمبرز آف کامرس کے صدر عاطف کرم شیخ نے کہا کہ نئے چینی وفد کو پاکستانی معیشت کے مختلف شعبوں میں سرمایہ کاری کے حوالے سے تفصیلی بریفنگ دی۔ انہوں نے توانائی ، انفراسٹرکچر کی تعمیر وترقی، تعمیراتی شعبے ، معدنیات کی تلاش، آئل اور گیس،جیولری، ماربل ، پولٹری ،فارما سیوٹیکل ، ٹیلی کمیونیکیشن اور انفارمیشن ٹیکنالوجی کے شعبوں میں سرمایہ کاری کرنے کے لئے چینی سرمایہ کاروں کو دعوت دی ۔انہوں نے کہا کہ اقتصادی راہداری منصوبہ پاکستانی معیشت کو دنیا کی بڑی معیشتوں میں شامل کرنے کی اہلیت رکھتا ہے ۔دیگر چینی کمپنیوں کو بھی اس منصوبہ کے تحت سرمایہ کاری کرنی چاہیے تاکہ یہ بروقت مکمل ہو۔ انہوں نے یقین دہانی کرائی کہ چیمبر آف کامرس چینی کمپنیوں کو راہداری منصوبہ کے تحت پاکستان میں سرمایہ کاری کرنے کے لئے بھرپور تعاون فراہم کرے گی ۔ چینی وفد اور اسلام آباد چیمبر آف کامرس نے مستقبل میں قریبی روابط قائم کرنے کے لئے مزید رابطوں کی ضرورت پر اتفاق کیا۔مزید اہم خبریں
-
معروف ایرانی ریپر توماج صالحی کو سزائے موت سنا دی گئی
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
-
نواز شریف ملکی مفاد کی خاطرعمران خان سے بات چیت کیلئے تیار ہیں،رانا ثناءاللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.