صوبے میں اغواء کی واردتوں میں خطر ناک حد تک اضافہ صوبائی حکو مت اور پولیس کی نا اہلی اور نا کامی کا کھلا ثبوت ہے‘اعجاز احمد چوہدری
ادویات کی قیمتوں میں اضافہ قابل مذمت ہے ،حکومت فی الفورادویات میں ہونے والے ظالمانہ اضافے کو فوری طور واپس لے‘تحریک انصاف کے مرکزی رہنماء
بدھ 27 جولائی 2016 18:18
لاہور (اُردو پوائنٹ اخبارتازہ ترین - این این آئی۔27 جولائی ۔2016ء ) پاکستان تحریک انصاف پنجاب کے سابق صدر اعجاز احمد چوہدری نے کہا ہے کہ (ن) لیگ کی حکومت نے ستر ہزار ادویات کی قیمتوں میں ظالمانہ اضافہ کر کے غریب عوام سے ظلم کی انتہا کر دی ہے ، ادویات کی قیمتوں میں اضافہ قابل مذمت ہے ،حکومت فی الفورادویات میں ہونے والے ظالمانہ اضافے کو فوری طور واپس لے پی ٹی آئی غریب عوام سے ہونے والی زیادتی پر خاموش نہیں بیٹھے گی بلکہ ہر فورم پر آواز بلند کرے گی حکومت غریب عوام کا استحصال بند کرے ۔
اپنے ایک بیان میں انہوں نے کہاکہ حکمران غریب عوام کا پیسہ اپنے اللے تللے منصوبوں پر پانی کی طرح بہا رہے ہیں لیکن غریب سے صحت جیسی بنیادی سہولت چھینی جا رہی ہے حکمران اپنا علاج ملک سے باہر کرواتے ہے اور ملک میں رہنے والے غریب اور مجبور عوام سے ان کا جینے کا حق حکمرانوں نے چھین لیا ہے ۔(جاری ہے)
انہوں نے کہا کہ حکمرانوں نے غریب عوام کا خون چوس لیا ہے او ر حکمرانوں کی تمام نا اہلیوں اور نا کامیوں کی سزا غریب عوام بھگتنے پر مجبور ہے (ن) لیگ کی حکومت جس دن سے اقتدار میں آئی ہے اس دن سے عوام کو سکھ اور چین نصیب نہیں ہوا پاکستان میں بسنے والے غریب عوا م پر حکمرانوں نے ٹیکسوں کی بارش کر رکھی ہے لیکن عوام کو زندگی کی ایک بھی بنیادی سہولت میسر نہیں ہے عوام کو سہولتیں دینے کے بجائے ان سے چھین رہے ہیں حکمرانوں کا دوغلا پن عوام کے سامنے کھل کر سامنے آ گیا ہے حکمران خود میٹرو بس سمیت دیگر منصوبوں پر اربوں روپے کی سبسٹدی دے رہے ہے اور ان منصوبوں میں سے کمیشن کے نام پر اپنی تجوریاں بھرنے میں مصروف ہے حکمرانوں کی تر جہات میں عوام شامل ہی نہیں ۔
انہوں نے کہا کہ پنجاب کے نام نہاد خادم اعلیٰ شہباز شریف اور انتظامیہ صوبے کی عوام کے جان و مال کا تحفظ کرنے میں بری طرح ناکام ہو چکے ہے غریب عوام کی بچوں کو اغواء کیا جا رہا ہیں جبکہ پنجاب کے حکمرانوں کو بیرون دوروں سے فرصت نہیں ، صوبے میں اغواء کی واردتوں میں خطر ناک حد تک اضافہ ہو چکا ہے لیکن صوبائی حکو مت اور پولیس کی نا اہلی اور نا کامی کا کھلا ثبوت ہے صوبے میں لا قانیونیت انہتا تک پہنچ چکی ہے عوام کا کوئی پرسان حال نہیں سپریم کورٹ کا پنجاب میں بچوں کے اغواء کے سنگین مسئلے پر از خود نوٹس لینا خو ش آئند عمل ہے بچوں کے اغواء میں ملوث گروہ کو گرفتا ر کیا جائے اور انہیں سخت سے سخت سزا دی جائے صوبائی حکومت اور انتظامیہ ہنگامی طور پر ایسے اقدامات اٹھائے تا کہ اغواء کی واردتوں کو روکا جائے اور اغواء ہونے والے بچوں کو با حفاظت بازیاب کروایا جائے ۔انہوں نے کہا کہ 12مئی کا واقعہ سیاہ ترین واقعہ تھا لیکن آج تک ذمہ داران کو کوئی سزا نہیں ملی جس کی ذمے دار سابقہ اور موجودہ حکومتیں ہے ایم کیو ایم کا کچا چٹھا کھل کر عوام کے سامنے آ گیا ہے وسیم اختر جیسے لوگ جو پولیس کے سامنے اعتراف تو کر لیتے ہے لیکن عدالت میں جا کر مکر جاتے ہے پولیس یا ایجنسی جو انکوئری کر رہی ہوتی ہے اسکو پوری تحقیقات کرنی چاہیے تا کہ بعد میں ملزم انکار نہ کر سکے اور ایسے کیس کا فوری ٹرائل کر کے ملزمان کو انصاف کے کٹہرے میں لایا جائے تا کہ اصل حقائق قوم کے سامنے آ سکیں۔متعلقہ عنوان :
مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.