پاکستان کوسٹ گارڈز کی کارروائی ،مسافر کوچ سے ساڑھے 3کروڑروپے مالیت کی منشیات برآمد
بدھ 27 جولائی 2016 17:30
کراچی (اُردو پوائنٹ اخبارتازہ ترین - آئی این پی۔27 جولائی ۔2016ء ) پاکستان کوسٹ گارڈزکو خفیہ ذرائع سے اطلاع ملی تھی کہ سپرہائی وے(کراچی) سے بھاری مقدار میں منشیات اسمگل ہونے کا خدشہ ہے ۔جس کو مدِنظر رکھتے ہوئے ڈائریکٹر جنرل پاکستان کوسٹ گارڈز نے متعلقہ کمانڈر کو اپنے علاقے میں چیکنگ مزیدسخت کرنے کے احکامات جاری کیے ۔ دورانِ چیکنگ سپرہائی وے(کراچی)کے قریب ایک مشکوک مسافر کوچ کوچیکنگ کے لیے روکاگیا جو کہ میرپور آزاد کشمیر سے کراچی آ رہی تھی ۔
دورانِ تلاشی کوچ کی چھت پر رکھے ہوئے پرانے کاغذ (ردی)کے کارٹن میں سے پاکستان کوسٹ گارڈز کے جوانوں نے40(چالیس) کلو گرام چرس برآمدکر لی یہ منشیات پاکستان سے مشرق وسطیٰ اسمگل ہونی تھی، منشیات، کوچ اور 04 (چار ) مبینہ اسمگلروں کو پاکستان کوسٹ گارڈز نے اپنی تحویل میں لے لیاہے اور اُن سے مزید تفتیش جاری ہے۔(جاری ہے)
پکڑی جانے والی منشیات کی مالیت انٹرنیشنل مارکیٹ میں تقریباً ساڑھے تین کروڑ روپے بتائی جاتی ہے۔
یہاں اس امر کا احاطہ بھی ضروری ہے کہ پاکستان کوسٹ گارڈز نے حالیہ چند ہفتوں کے دوران منشیات کے خلاف اپنی سرگرمیوں میں خاطر خواہ اضافہ کر دیا ہے جس کے نتیجے میں گزشتہ چند دنوں کے دوران 1000کلو گرام چرس (پسنی ایئر پورٹ)، 278کلو گرام چرس اور 380کلو گرام افیون( گوادرکے علاقے)، 12کلو گرام ہیروئن اور 13کلو گرام چرس( وندر ،بلوچستان) اور 900کلو گرام چرس( پسنی ،بلوچستان) کے علاقے سے اور 415کلو گرام چرس اور62کلو گرام افیون (وندر،اوتھل ،بلوچستان) کے علاقے سے پکڑی جا چکی ہے۔ ڈائریکٹر جنرل پاکستان کوسٹ گارڈزبریگیڈیئر عتیق الرحمن نے جوانوں کی اس اعلیٰ کارکردگی کو سراہتے ہوئے اُن کے لئے نقد انعامات کااعلان کیا۔مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.