پی ایس پی کے گرفتار رہنما انیس قائمخانی کی درخواست ضمانت پر فیصلہ 3اگست تک محفوظ کرلیاگیا

کراچی(اُردو پوائنٹ اخبارتازہ ترین - این این آئی۔27 جولائی ۔2016ء) کراچی کی انسداد دہشت گردی کی عدالت نے پی ایس پی کے گرفتار رہنما انیس قائمخانی کی درخواست ضمانت پر فیصلہ 3اگست تک محفوظ کرلیا ہے جبکہ ایم کیو ایم رہنما رف صدیقی کی درخواست ضمانت پر آج(جمعرات) دلائل سنے جائیں گے۔دہشت گردوں کے علاج کی سہولت کیس میں ضمانت کے لیے دائردرخواستوں کی سماعت کے دوران جج خالدہ یاسین نے اس کیس میں گرفتار ایم کیو ایم رہنما رف صدیقی اور پی ایس پی صدر انیس قائمخانی کی درخواستیں یکجا کردیں۔

بدھ کواے ٹی سی جج خالدہ یاسین کی عدالت میں درخوست کی سماعت کی گئی۔انیس قائمخانی کے وکیل نے دلائل دیئے کہ انکے موکل نے کبھی دہشت گردوں کے علاج کے لیے فون نہیں کیا۔انکے خلاف کوئی ثبوت نہیں ہے۔

(جاری ہے)

مقدمے کی تفتیش یکطرفہ ہے،الزامات میں کوئی صداقت نہیں ہے۔انیس قائم خانی کے وکیل نے کہاکہ انیس قائم خانی دبئی میں کنٹریکٹر کی ملازمت کرتے ہیں۔

تفتیشی افسرمقدمے کی اے کلاس رپورٹ عدالت میں پیش کرچکے ہیں۔ٹھوس شواہدنہ ہونے پرمقدمہ کی اے کلاس کی رپورٹ پیش کی گئی۔ رپورٹ کی بنا پر انیس قائمخانی کی ضمانت منظور کی جائے۔دوران سماعت جج نے ریماکس دیئے کہ اگریہ رپورٹ تفتیشی افسرمیرے سامنے پیش کرتاتواسے جیل بھیج دیتی۔انیس قایم خانی کے وکیل نے کہاکہ ضابطہ فوجداری کی دفعہ164کابیان ریکارڈکروانے والاگواہ مقدمہ کاشریک ملزم ہے۔

تمام صورتحال میں ملزم ضمانت کا حقدار ہے۔وکیل نے کہاکہ انیس قائم خانی کی زندگی کی فکرہے کیوں کہ مخالف لوگ بھی موجود ہیں، اس موقع پر رینجرز کے وکیل نے اپنے دلائل میں کہاکہ 27میڈیکل بل جے آئی ٹی پولیس کے حوالے کئے۔ایم کیوایم کے9دہشت گردوں کے میڈیکل بلزریکارڈسے غائب کردیئے گئے ہیں۔وکیل رینجرزنے کہاکہ دہشتگردوں کواسپتال میں علاج کیلئے لایاگیا۔

ڈاکٹرکی ذمہ داری تھی پولیس کواطلاع کرتے۔ رینجرزکے وکیل نے موقف اختیار کیا کہ ڈاکٹریوسف ستارنے بطورگواہ استغاثہ بیان ریکارڈکروایاتھا۔فاضل عدالت نے ڈاکٹرعاصم کی ضمانت کے آرڈرمیں میرٹ کوڈسکس کیاہے ۔ عدالتی فیصلے کے مطابق ملزم ضمانت کے مستحق نہیں ہیں۔رینجرزکے وکیل نے کہاکہ ملزمان کی سرکی قیمت سے متعلق فہرست بھی پولیس کو دی گئی تھی۔

جن ملزمان کاعلاج کرایاگیاان سے متعلق330 ایف آئی آرجمع کرائیں۔رینجرزکے وکیل نے کہاکہ رؤف صدیقی کی ضمانت درخواست کی نقول نہیں ملی۔اس دوران جج نے ریماکس دیئے کہ رؤف صدیقی اوردیگرملزمان کی ضمانت درخواست کافیصلہ ایک ساتھ سنایا جائیگا۔عدالت نے انیس قائم قائمخانی کی ضمانت پر فیصلہ محفوظ 3اگست تک محفوظ کرلیا جبکہ رؤف صدیقی درخواست ضمانت پردلائل جمعرات کو ہوں گے۔