اورکزئی ایجنسی میں وین کھائی میں گرنے سے 5 افراد جاں بحق، 4 زخمی

بدھ 27 جولائی 2016 12:42

اورکزئی ایجنسی(اُردو پوائنٹ اخبارتازہ ترین - آن لائن۔27 جولائی۔2016ء) سماناں میں مسافر پک اپ وین کھائی میں گرنے سے 5 افراد جاں بحق جب کہ 4 زخمی ہوگئے۔ تفصیلا ت کے مطابق اورکزئی ایجنسی کے علاقے سماناں میں مسافر پک اپ وین موڑکاٹتے ہوئے بے قابوہوکر کھائی میں جاگری، جس کے نتیجے میں 3 افراد جاں بحق جب کہ 6 افراد زخمی ہوگئے۔

(جاری ہے)

زخمیوں کو فوری طور پر قریبی سرکاری اسپتال منتقل کیا گیا تاہم طبی امداد کے دوران مزید 2 افراد زندگی کی بازی ہارگئے جب کہ 4 افراد اب بھی زیر علاج ہیں۔پولیٹیکل انتظامیہ کا کہنا ہے کہ حادثے کے وقت گاڑی کی رفتار زیادہ تھی اس کے علاوہ بارش کے باعث سڑک پرپھسلن بھی حادثے کی وجہ بنی۔ لاشوں کو شناخت کے بعد ورثا کے حوالے کردیا گیا ہے۔