کوئٹہ،سریاب روڈ پر نا معلوم افراد کی فائرنگ، اے ایس آئی جاں بحق

بدھ 27 جولائی 2016 11:33

کوئٹہ (اُردو پوائنٹ اخبارتازہ ترین - آئی این پی۔27 جولائی ۔2016ء ) کوئٹہ کے علاقے سریاب روڈ پر نا معلوم افراد کی فائرنگ سے تھانہ سریاب کا اے ایس آئی جاں بحق ہو گیا۔ پولیس کے مطابق فائرنگ کا واقعہ سریاب روڈ کے علاقے کیچی بیگ کے قریب پیش آیا جس میں سریاب تھانے کے اے ایس آئی عزیز الرحمان کو نا معلوم افراد نے فائرنگ کا نشانہ بنایا۔

(جاری ہے)

اے ایس آئی کو فوری طور پر تشویشناک حالت میں سول ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔

فائرنگ کے بعد پولیس اور ایف سی نے علاقے کو گھیرے میں لے لیا جبکہ پولیس نے واقعہ کی تفتیش شروع کر دی ۔ اے ایس آئی کی شہادت پر وزیر اعلیٰ بلوچستان نواب ثنا اللہ زہری نے افسوس کا اظہار کرتے ہوئے کہا کہ شہید پولیس اہلکار پر فائرنگ کرنے والے دہشت گردوں کو فوری گرفتار کیا جائے۔