نئے قائد ایوان کے انتخاب میں مشکلات ،پیپلزپارٹی کا اپوزیشن جماعتوں سے رابطوں کا فیصلہ
مراد علی شاہ کی پیرپگارا سے ملاقات کے بعد نائن زیرآمد متوقع ، ہدایت کے باوجود شرجیل میمن ،اویس مظفرواپس وطن نہیں لوٹے پیپلزپارٹی کے 16سے زائد ارکان کے وزیراعلیٰ کے انتخاب کے موقع پر اسمبلی اجلاس سے غیر حاضررہنے کے خدشات سامنے آگئے
منگل 26 جولائی 2016 17:41
کراچی (اُردو پوائنٹ اخبارتازہ ترین - این این آئی۔26 جولائی ۔2016ء) سندھ اسمبلی میں نئے قائد ایوان کے انتخاب کے لیے پیپلزپارٹی کو مشکلات کا سامنا ہے ،جس کے بعد پارٹی نے اپوزیشن جماعتوں مسلم لیگ (فنکشنل) اور ایم کیو ایم سے رابطوں کا فیصلہ کیا ہے ۔نئے وزیراعلیٰ سندھ کے انتخاب کے لیے سندھ اسمبلی کا اجلاس جمعہ کو ہوگا ۔بلاول بھٹو زرداری کی جانب سے بیرون ملک موجود ارکان سندھ اسمبلی کو وطن واپس پہنچنے کی ہدایت کے باوجود سابق صوبائی وزراء سید اویس مظفر اور شرجیل انعام میمن سمیت 10ارکان تاحال واپس نہیں پہنچے ہیں ۔
تفصیلات کے مطابق پاکستان پیپلزپارٹی کی جانب سے گزشتہ دنوں دبئی میں ہونے والے اجلاس میں وزیراعلیٰ سندھ سید قائم علی شاہ کو عہدے سے ہٹانے کا فیصلہ کیا گیا اور صوبے میں نیا وزیراعلیٰ لانے کا فیصلہ کیا گیا تھا ۔(جاری ہے)
صوبے میں نئے قائد ایوان کے انتخاب کے لیے پیپلزپارٹی کو اس وقت مشکلات کا سامنا ہے ۔سندھ اسمبلی میں پیپلزپارٹی کے ارکا ن کی تعداد 91جبکہ نئے وزیراعلی کو اعتماد کے لیے 86ووٹ کی ضرورت ہے ۔
تاہم دو سابق صوبائی وزراء سید اویس مظفر اور شرجیل انعام میمن سمیت اس وقت پیپلزپارٹی کے 10سے زائد ارکان بیرون ملک موجود ہیں ۔جبکہ ڈاکٹرذوالفقار مرزا کی جانب سے راہیں جدا کیے جانے کے بعد ان کے صاحبزادے بیرسٹر حسنین مرزا بھی پیپلزپارٹی کے امیدوار کے حق میں اپنا ووٹ استعمال نہیں کریں گے ۔تمام صورت حال کو مدنظر رکھتے ہوئے پیپلزپارٹی کے چیئرمین بلاول بھٹو زرداری نے بیرون ملک میں موجود ارکان کو فوری طور پر وطن واپس پہنچنے کی ہدایت کی تھی تاہم ابھی ان ارکان کی بڑی تعداد واپس نہیں پہنچی ہے جبکہ اویس مظفر اور شرجیل انعام میمن کی فوری واپسی ناممکن نظر آرہی ہے ۔یہ دونوں رہنما گرفتاری کے خوف سے طویل عرصے بیرون ملک موجود ہیں ۔ذرائع کے مطابق موجود صورت حال میں پیپلزپارٹی کے لیے وزیراعلیٰ سندھ کی تبدیلی کسی امتحان سے کم نہیں ہے اور یہ خدشہ بھی ظاہر کیاجارہا ہے کہ پیپلزپارٹی کے 16سے زائد ارکان وزیراعلیٰ کے انتخاب کے وقع پر اسمبلی اجلاس سے غیر حاضر ہوسکتے ہیں ۔ذرائع نے بتایا کہ پیپلزپارٹی کی قیادت نے نئے وزیراعلیٰ کو اعتماد کا ووٹ دلانے کے لیے اپوزیشن جماعتوں سے رابطوں کا فیصلہ کیا ہے ۔اس ضمن میں ممکنہ وزیراعلیٰ سندھ سید مراد علی شاہ نے اپنے رابطے تیز کردیئے ہیں اور انہوں نے دبئی میں مسلم لیگ (فنکشنل) کے سربراہ پیر پگارا سے ملاقات بھی کی ہے ۔جبکہ ایم کیو ایم سے رابطے کے لیے مراد علی شاہ کی جلد نائن زیرو آمد بھی متوقع ہے ۔ مراد علی شاہ کی کوشش ہے کہ یہ دونوں جماعتیں قائد ایوان کے انتخاب کے موقع پر انہیں اعتماد کا ووٹ دیں اور آگے چل کر بھی یہ مفاہمتی عمل جاری رہے ۔ذرائع کا کہنا ہے کہ اگر مراد علی شاہ اپوزیشن جماعتوں کو اپنی حمایت پر رضامند کرلیتے ہیں تو وزیراعلیٰ کا انتخاب بآسانی عمل میں آجائے گا تاہم دوسری صورت میں پیپلزپارٹی کے لیے وزیراعلیٰ سندھ کی تبدیلی ایک بڑے امتحان کے طور پر سامنے آسکتی ہے ۔متعلقہ عنوان :
مزید اہم خبریں
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.