حکومت خیبرپختونخوا افغان بچوں سمیت سب کوبلاامتیاز معیار ی تعلیم فراہم کررہی ہے، عاطف خان
منگل 26 جولائی 2016 16:54
(جاری ہے)
قونصل جنرل کچھ دیر تک صوبائی وزیر کے ساتھ رہے اور ان کے ساتھ تعلیم سمیت باہمی دلچسپی کے امور پرتبادلہ خیال کیا ۔
صوبائی وزیر نے انہیں تعلیم اورانرجی اینڈ پاورکے شعبوں میں حکومت کی جانب سے شروع کردہ اصلاحات اوراقدامات کے بارے میں تفصیل سے بتایا ۔وزیر تعلیم نے کہا صوبائی حکومت کی زیادہ تر توجہ پہلے نظر انداز کردہ زنانہ تعلیم پر مرکوز ہے اور نئی تعلیمی پالیسی میں گرلز سکولز کاکوٹہ 35 فیصد سے بڑھا کر 70 فیصد کردیا ہے جبکہ گرلز کے لئے 1300 کمیونٹی سکولز بھی قائم کیے گئے ہیں اسی طرح امسال تمام گرلز ہائی اورہائیرسکنڈری سکولوں میں آئی ٹی لیب قائم کیے جائیں گے۔گذشتہ تین سالوں کے دوران آئی ٹی لیب کی تعداد 179 سے بڑھا کر رواں مالی سال کے اختتام تک 1300 تک کردیا جائے گا۔ انہوں نے کہا کہ سرکاری سکولوں میں بنیادی سہولیات کی فراہمی پر اب تک 17 ارب روپے خرچ کرچکے ہیں اورانشاء اللہ رواں مالی سال کے اختتام تک کوئی بھی سرکاری سکول بنیادی سہولت کے بغیر نہیں رہے گا۔عاطف خان نے کہا کہ موجودہ حکومت نے صوبے کی تاریخ میں پہلی بار خالصتاًمیرٹ پر 25000 اساتذہ بھرتی کیے ہیں اوررواں مالی سال کے دوران مزید 15000 اساتذہ بھرتی کیے جائیں گے۔ اس کے ساتھ ساتھ پرائمری سطح پر انگلش میڈیم آف انسٹرکشن رائج کرنے کے لئے برٹش قونصل کے تعاون سے 570 ملین روپے کی لاگت سے 83 ہزارپرائمری اساتذہ کوخصوصی تربیت دی جارہی ہے ۔ان کاکہنا تھا کہ ہماری توجہ اداروں کے استحکام پر مرکوز ہے اورصوبے کی تاریخ میں پہلی مرتبہ پولیس ،تعلیم اورطبی اداروں کومکمل طورپر سیاسی مداخلت سے پاک کردیاگیاہے اورتمام شعبوں میں اب میرٹ کی بالادستی ہے ۔صوبائی وزیر نے انرجی اینڈ پاور کے شعبے کاذکر کرتے ہوئے کہا کہ حکومت کی شفاف پالیسی کی وجہ سے اس شعبے میں 56 بین الاقوامی کمپنیوں نے سرمایہ کاری کی دلچسپی کااظہار کیا ہے ۔حکومت 356 منی مائیکرو ہائیڈل پاورمنصوبے تعمیر کررہی ہے اورآئندہ دو سالوں میں یہ تعداد 1000 تک پہنچانے کا ہد ف ہے ۔اس پروگرام کے تحت حکومت منصوبہ مکمل کرکے کمیونٹی کے حوالہ کردیتی ہے جسے کمیونٹی خود چلاتی ہے۔امریکی قونصل جنرل نے صوبائی حکومت کے اقدامات کو سراہتے ہوئے اپنی حکومت کی جانب سے اپنے مکمل تعاون کایقین دلایا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.