انڈونیشیا میں سزائے موت پانے والے ایک پاکستانی کی جان بچانے کے لیے پاکستان نے اپنی سفارتی کوششوں کو تیز کر دیا
میاں محمد ندیم منگل 26 جولائی 2016 16:32
اسلام آباد(اردو پوائنٹ اخبارتازہ ترین-انٹرنیشنل پریس ایجنسی۔26جولائی۔2016ء) انڈونیشیا میں منشیات رکھنے کے الزام میں سزائے موت پانے والے ایک پاکستانی شہری کی سزا پر عملدرآمد رکوانے کے لیے پاکستان نے اپنی سفارتی کوششوں کو تیز کر دیا ہے جب کہ انسانی حقوق سے متعلق قانونی معاونت فراہم کرنے والی ایک غیر سرکاری تنظیم جسٹس پراجیکٹ پاکستان نے صدر مملکت سے درخواست کی ہے کہ وہ ایک بے گناہ پاکستانی شہری کی جان بچانے کے لیے انڈونیشیا کی حکومت سے اس معاملے کو اٹھائیں۔
52 سالہ ذوالفقار علی کو نومبر 2004ءمیں جکارتا سے گرفتار کیا گیا تھا۔ ان پر 300 گرام ہیروئن رکھنے کا الزام تھا۔ اس مقدمے میں شریک ملزم گردیپ سنگھ نے ذوالفقار کے خلاف دیا جانے والا اپنا بیان یہ کہہ کر واپس لے لیا تھا کہ یہ اس سے زبردستی لیا گیا تھا۔(جاری ہے)
پاکستان کے مشیر خارجہ سرتاج عزیز ان دنوں جنوب مشرقی ایشیائی ملکوں کی تنظیم "آسیان" کے اجلاس میں شرکت کے لیے لاو¿س میں ہیں اور اطلاعات کے مطابق انھوں نے وہاں اپنے انڈونیشیائی ہم منصب ریٹنو مرسودی سے ملاقات میں ذوالفقار کے معاملے پر بات چیت کی۔
اسلام آباد میں تعینات انڈونیشیا کے سفیر سیودھئی امری کو بھی دفتر خارجہ طلب کیا گیا اور انھیں اس معاملے پر پاکستانی تشویش سے اپنی حکومت کے عہدیداروں کو مطلع کرنے کا کہا گیا۔12 سال سے قید کاٹنے والے ذوالفقار علی کی سزائے موت پر عملدرآمد کی حتمی تاریخ تو تاحال سامنے نہیں آئی لیکن شائع شدہ اطلاعات کے مطابق اس پر کسی بھی وقت عملدرآمد ہو سکتا ہے اور ان کے اہل خانہ کو 72 گھنٹے پہلے اس سے آگاہ کر دیا جائے گا۔جسٹس پراجیکٹ پاکستان کے مطابق انڈونیشیا کی پولیس مبینہ طور پر اس پاکستانی شہری کے خلاف ٹھوس شواہد پیش کرنے میں ناکام رہی ہے اور انھیں شفاف عدالتی کارروائی کے حق سے بھی مبینہ طور پر محروم رکھا گیا جب کہ دوران حراست ذوالفقار کو "بدترین تشدد" کا سامنا بھی کرنا پڑا ہے۔علی چھ بچوں کے والد ہیں اور ان کی اہلیہ نے بھی حکومت پاکستان سے اپنے شوہر کو بچانے کے لیے درخواست کی ہے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.