تحریک انصاف کی الیکشن کمیشن میں رجسٹریشن منسوخی اور عمران خان کی نااہلی کے لئے الیکشن کمیشن میں درخواست دائر کر دی گئی۔

عمر جمشید منگل 26 جولائی 2016 11:43

لاہور(اُردو پوائنٹ اخبارتازہ ترین۔26 جولائی۔2016ء) یہ درخواست جسٹس پارٹی کے سربراہ منصف اعوان ایڈووکیٹ کی جانب سے دائر کی گئی ہے۔درخواست میں کہا گیا ہے کہ عمران خان نے اپنے بیان کے ذریعے فوج کو اقتدار پر قبضہ جمانے کی دعوت دی جو کہ آئین کے آرٹیکل چھ کی سنگین خلاف ورزی ہے۔

(جاری ہے)

انہوں نے کہا کہ عمران خان کی جماعت تحریک انصاف ملک میں سیاسی افراتفری میں مصروف ہے لہذا عدالت تحریک انصاف کی رجسٹریشن منسوخ کرنے کا حکم دے۔درخواست میں یہ بھی کہا گیا ہے کہ عمران خان متنازعہ بیان کے بعد آئین کے آرٹیکل باسٹھ اور تریسٹھ کے معیار پر پورا نہیں اترتے لہذا عدالت انہیں بھی نااہل قرار دے۔