گوادر میں بین الاقوامی ائیرپورٹ اور ایکسپریس وے کا رواں سال سنگ بنیاد رکھا جائیگا،گوادر یو نیورسٹی بھی اسی سال فعال ہوجائے گی ،گوادر صرف ایک پورٹ سٹی نہیں ،مقامی لوگوں کے لئے معاشی و اقتصادی سرگرمیوں کا مرکز ہو گا ، سی پیک گوادر میں فشریز کی صنعت کو فروغ دینے میں اہم کردار ادا کرے گا،سی پیک کی سیکورٹی کی ذمہ داری پاک فوج کے پاس ہے، ڈی آئی خان ، برہان سیکشن کو جون 2018 تک مکمل کر لیاجائیگا

وفاقی وزیر برائے منصوبہ بندی و ترقی احسن اقبال کی گوادر پریس کلب کے ایک وفد سے ملاقات کے دوران گفتگو

پیر 25 جولائی 2016 20:48

اسلام آباد ( اُردو پوائنٹ اخبارتازہ ترین - آئی این پی۔25 جولائی ۔2016ء ) وفاقی وزیر برائے منصوبہ بندی و ترقی احسن اقبال نے کہا ہے کہ گوادر کے دو منصوبوں ،بین الاقوامی ائیرپورٹ اور ایکسپریس وے کا اس سال سنگ بنیاد رکھا جائیگاجبکہ گوادر یو نیورسٹی بھی اسی سال فعال ہوجائے گی ،گوادر صرف ایک پورٹ سٹی نہیں ہو گا بلکہ مقامی لوگوں کے لئے معاشی و اقتصادی سرگرمیوں کا مرکز ہو گا ، سی پیک گوادر میں فشریز کی صنعت کو فروغ دینے میں اہم کردار ادا کرے گا۔

وہ پیر کوپلاننگ کمیشن میں گوادر پریس کلب کے ایک وفد سے ملاقات کے دوران گفتگو کررہے تھے ۔ان کا کہنا تھا کہ گوادر میں صرف انفراسٹکچر یا توانائی کے منصوبے نہیں لگ رہے بلکہ یہاں ووکیشنل اور ٹکینکل ادارے بھی قائم کئے جائں گے تانکہ مقامی لوگ فنی تربیت حاصل کر سکیں۔

(جاری ہے)

۔ان کا کہنا تھا کہ گوادر میں مقامی لوگوں کو آگے بڑھنے کے مواقع میسر ہوں گے۔

۔ انہوں نے کہا کہ گوادر کو جدید ترین شہر بنایا جائے گا جہاں زندگی کی تمام سہولیات میسر ہوں گی۔احسن اقبال نے کہا کہ گوادر سی پیک منصوبے کے لئے گیٹ وے کی حیثیت رکھتا ہے۔۔ان کا کہنا تھا کہ اس سال میں گوادر کو ملک کے کو مختلف حصوں سے تین سڑکوں کے ذریعے ملایا جا ئے گا۔۔گوادر سے کوئٹہ اور گوادر۔خضدار -رتو ڈیرو سیکشن پر کام تیزی سے جاری ہے۔

۔ ڈی آئی خان ، برہان سیکشن کو جون دو ہزار اٹھارہ تک مکمل کر لیا جائے گا۔احسن اقبال کا کہنا تھا کی سی پیک سے ملک کے تمام صوبوں کو فائدہ پہنچے گا۔۔انہوں نے کہا کہ 35$ بلین جو توانائی کے شعبے میں لگ رہا ہے اس میں سب سے زیادہ انوسٹمنٹ سندھ اور بلوچستان میں ہو رہی ہے۔احسن اقبال کا کہنا تھا کہ بیسویں صدی میں سیاسی نظریات کی جنگ تھی جبکہ اکیسویں صدی اقتصادی نظریا ت کی جنگ ہے۔

۔ ان کا کہنا تھا کہ وژن 2025 کا پہلا ستون علاقائی روابط ہے۔۔ چین پاکستان اکنامک کورئیڈار سے خطے کی تین بلین لوگوں کو فائدہ پہنچے گا۔احسن اقبال نے کہا کہ سی پیک پاکستان اور چین کی قیادتوں کا وژن کا ملاپ ہے جو کہ اگلے پندرہ سالوں یں مکمل ہ گا۔۔ان کا کہنا تھا اورنج ٹرین لائن منصوبہ سی پیک کا حصہ نہیں ہے بلکہ اس کو پنجاب حکومت اپنے بجٹ سے بنا رہی ہے۔

وفاقی وزیر نے کہا کہ سی پیک کے انتظامی کام کی ذمہ داری پلاننگ کے پاس ہے جس پر وہ دوسری وزارتوں اور محکموں کے ساتھ مل کام کر رہی ہے جبکہ سیکورٹی کی زمہ داری پاک فوج کے پاس ہے۔ انہوں نے کہ وزیر اعظم کی ہدایت پر نو ہزار جوان سی پیک منصوبوں کی سیکورٹی کے لئے تعنیات کئے جا رہے ہیں۔ان کا مذید کہنا تھا کہ سول اور عسکری ادارے مل کر سی پیک کو کامیاب بنانے کے لئے اپنا کردار ادا کر رہے ہیں۔ وفاقی وزیر نے گوادر پریس کلب کے ممبران کو یقین دہانی کروائی کہ وہ گوادر میں پریس کلب کی بلڈنگ بنانے میں ان کی مدد کریں گے۔

متعلقہ عنوان :