تحریک انصاف نے وزیراعظم ،وزیراعلیٰ پنجاب اوروزیر خزانہ کیخلاف نیب میں شکایت جمع کرادی
شکایت میں ان شخصیات کی جائیدادوں اور ٹیکس کی تفصیلات درج نیب دفتر کے باہر احتجاج کے دوران پی ٹی آئی کارکن آپس میں الجھ پڑے ، میڈیا کے نمائندوں سے بدتمیزی اور تشدد،6 صحافی وکیمرہ مین زخمی،عمران خان کی واقعے پر معذرت ،ذمہ داروں کیخلاف کارروائی کی یقین دہانی
پیر 25 جولائی 2016 20:47
اسلام آباد(اُردو پوائنٹ اخبارتازہ ترین - آئی این پی۔25 جولائی ۔2016ء ) تحریک انصاف نے وزیراعظم نوازشریف ،وزیراعلیٰ پنجاب شہباز شریف اوروزیر خزانہ اسحاق ڈار کیخلاف نیب میں شکایت جمع کرادی جس میں ان شخصیات کی جائیدادوں اور ٹیکس کی تفصیلات درج ہیں،نیب دفتر کے باہر احتجاج کے دوران پی ٹی آئی کارکن آپس میں الجھ پڑے اور میڈیا کے نمائندوں سے بھی بدتمیزی کی ا س دوران کیمرہ مینوں کو بھی تشدد کا نشانہ بنایا گیا جس سے میڈیا کے 6 نمائندے زخمی ہو گئے،پی ٹی آئی چیئرمین عمران خان نے واقعے پر معذرت کرتے ہوئے میڈیا کے نمائندوں سے بد تمیزی کرنیوالوں کیخلاف کارروائی کی یقین دہانی کرادی جبکہ تشدد کا نشانہ بننے والے صحافیوں نے مقامی تھانے میں مقدمے کی درخواست دیدی ۔
پیر کو تحریک انصاف کے رہنما سیف اﷲ نیازی کی قیادت میں تحریک انصاف کے کارکنوں کی بڑی تعداد نیب ہیڈکوارٹر کے باہر پہنچی جہاں وزیراعظم نوازشریف اور ان کے اہل خانہ کیخلاف نیب میں شکایت جمع کرادی جس میں وزیراعظم نوازشریف ،وزیراعلی پنجاب شہباز شریف اور وزیر خزانہ اسحاق ڈار کی جائیدادوں اور ٹیکس کی تفصیلات درج ہیں۔(جاری ہے)
نیب کے باہر احتجاج کے دوران پی ٹی آئی کارکنان آپس میں الجھ پڑے اور کوریج کیلئے آنے والے صحافیوں اور کیمرہ مینوں کو بھی تشدد کا نشانہ بنایا اس تشدد سے میڈیا کے 6کارکن زخمی ہو گئے۔
سیف اﷲ نیازی نے کارکنوں کو پرامن کیا اور صحافیوں کو کارروائی کی یقین دہانی کرائی۔صحافیوں نے مقامی تھانے میں مقدمے کی درخواست دیدی ہے۔اس واقعہ کی اطلاع ملنے پر پی ٹی آئی کے ترجمان نعیم الحق نے صحافیوں کو مارنے والے کارکنوں کو پارٹی سے نکالنے کی ہدایت کر دی ہے جبکہ پی ٹی آئی چیئرمین عمران خان نے واقعے پر معذرت کرتے ہوئے ملوث افراد کیخلاف کارروائی کی یقین دہانی کرائی ہے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.