کشمیری پاکستان سے الحاق چاہتے ہیں،بھارت جموں کشمیر میں رائے شماری کرائے‘مقصو د احمد
31جولائی کو لاہور میں سراج الحق کی قیادت میں عظیم الشان آزادی کشمیر مارچ ہوگا‘ تقریب سے خطاب
پیر 25 جولائی 2016 18:25
لاہور(اُردو پوائنٹ اخبارتازہ ترین - این این آئی۔25 جولائی ۔2016ء ) امیر جماعت اسلامی پنجاب میاں مقصود احمد نے کہاہے کہ جموں وکشمیر کے بغیر پاکستان نامکمل ہے،مقبوضہ کشمیر کے عوام پاکستان سے الحاق چاہتے ہیں،کشمیر کافیصلہ بھارت نہیں بلکہ اقوام متحدہ کی قراردادوں کے مطابق کشمیری عوام حق خود ارادیت کی صورت میں کریں گے،بھارت روایتی ہٹ دھرمی سے بازآجائے اور وہ کشمیری عوام کو رائے شماری کا حق دے۔
ان خیالات کا اظہار انہوں نے گزشتہ روزمنصورہ میں ایک تقریب سے خطاب کرتے ہوئے کیا۔انہوں نے کہاکہ حزب المجاہدین کے کمانڈر مظفر برہان وانی کی شہادت سے تحریک آزادیٔ کشمیر کو تقویت حاصل ہوئی ہے۔مقبوضہ کشمیر میں کرفیوکے باوجود لاکھوں افراد نے مظفر برہان وانی کی نمازجنازہ میں پاکستانی پرچموں کے ساتھ شرکت کی۔(جاری ہے)
انہوں نے کہاکہ مقبوضہ جموں وکشمیر میں بھارتی ریاستی دہشت گردی اور مسلسل کرفیو کے باوجود کشمیری عوام شدید احتجاج کررہے ہیں۔
ہر روزعوام کاجم غفیر مقبوضہ وادی اور جموں میں اکٹھاہوکر بھارت کی ریاستی دہشت گردی کے خلاف علم بغاوت بلند کررہاہے۔میاں مقصود احمد نے مزیدکہاکہ پاکستان کے اٹھارہ کروڑ عوام بھی مقبوضہ جموں وکشمیر کے مسلمانوں سے مکمل اظہاریکجہتی کرتے ہیں۔جماعت اسلامی نے سلسلے میں پنجاب بھر میں پندرہ روزہ احتجاجی تحریک شروع کی ہوئی ہے۔جس کے تحت اب تک آل پارٹیزکانفرنسیں،سیمینارز اور کشمیر ریلیاں صوبہ پنجاب کے تمام اضلاع میں منعقد ہورہی ہیں۔صوبائی دارالحکومت لاہور میں بھی اس حوالے سے 31جولائی کو امیر جماعت اسلامی سینیٹر سراج الحق اور دیگر قائدین کی قیادت میں ناصر باغ مال روڈ سے واہگہ بارڈر تک عظیم الشان آزادیٔ کشمیر مارچ ہوگا۔لاہور کے آزادیٔ کشمیر مارچ کی بڑے پیمانے پر تیاریوں کے لئے مختلف انتظامی کمیٹیاں بھی تشکیل دیدی گئی ہیں جنہوں نے اپناکام شروع کردیا ہے۔انہوں نے کہاکہ پاکستانی عوام کشمیر کی آزادی تک چین سے نہیں بیٹھیں گے اور اپنی جدوجہد اس وقت تک جاری رکھیں گے۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.