آزاد کشمیر الیکشن: پی ٹی آئی کا 3 لاکھ 83 ہزار ووٹ لینے کا دعویٰ غلط نکلا

فہد شبیر اتوار 24 جولائی 2016 17:20

لاہور(اُردو پوائنٹ اخبارتازہ ترین۔24جولائی۔2016ء) آزاد کشمیر الیکشن میں ووٹوں کے حصول کے حوالے سے تحریک انصاف کی مرکزی قیادت کے دعوے غلط نکلے، پی ٹی آئی کی قیادت کی جانب سے کارکنوں کو ماموں بنانے کی کوشش پکڑی گئی، آزاد کشمیر انتخابات میں تحریک انصاف کو تین لاکھ تراسی ہزار ووٹ ملنے کا دعویٰ غلط ثابت ہوا۔تحریک انصاف کے مرکزی سیکریٹری اطلاعات نعیم الحق نے گزشتہ روز اپنے ٹویٹ میں پی ٹی آئی کو تین لاکھ تراسی ہزار ووٹ ملنے کا دعویٰ کیا تھا۔

تاہم الیکشن کمیشن آزاد کشمیر کے مطابق تحریک انصاف کو دو لاکھ دس ہزار آٹھ سو ستائیس ووٹ ملے۔ مسلم لیگ نواز کو کل سات لاکھ انتالیس ہزار ایک سو پچاسی ووٹ ملے۔ پیپلز پارٹی نے آزاد کشمیر انتخاب میں تین لاکھ باون ہزار چھ سو بیاسی ووٹ حاصل کئے ہیں۔

(جاری ہے)

آزاد کشمیر الیکشن کمیشن کے جاری کردہ نتائج اور نعیم الحق کے گزشتہ روز کے ٹویٹ میں واضح تضاد سامنے آ گیا ہے۔

الیکشن کمیشن کے نتائج کے مطابق مسلم لیگ نواز ووٹوں کے لحاظ سے پہلے، پیپلز پارٹی دوسرے اور پی ٹی آئی تیسرے نمبر پر آئی ہے۔ آزاد کشمیر الیکشن میں شکست کے بعد پی ٹی آئی قیادت پر شدید تنقید کی جا رہی ہے جس کے بعد کئے گئے ٹویٹ میں تین لاکھ تراسی ہزار ووٹ لینے کا دعویٰ کر کے یہ پیغام دیا گیا کہ پی ٹی آئی ووٹوں کے لحاظ سے دوسرے نمبر پر رہی ہے۔

Facebook Twitter Google + Share on Whatsapp

آزاد کشمیر الیکشن: پی ٹی آئی کا 3 لاکھ 83 ہزار ووٹ لینے کا دعویٰ غلط نکلا

متعلقہ عنوان :

مزید اہم خبریں