30برسوں میں سواچار کھرب کے قرضے معاف کروانالمحہ فکریہ ہے
بین الاقوامی معاشی ادارے حکومتی پالیسیوں پر تشویش کا اظہار کررہے ہیں‘کرپشن میں ملوث افراد کسی بھی قسم کی رعایت کے مستحق نہیں امیر جماعت اسلامی پنجاب میاں مقصود احمد کا حکومت کے قرضے معاف کرنے کے حوالے سے ردعمل کا اظہار
لاہور(اُردو پوائنٹ اخبارتازہ ترین - آئی این پی۔23 جولائی ۔2016ء ) امیر جماعت اسلامی پنجاب میاں مقصود احمد نے سابق فوجی افسران،تاجران ومالیاتی اداروں کی جانب سے30برسوں میں سواچار کھرب 30ارب97کروڑ53لاکھ روپے کے قرضے معاف کروانے کی خبر پر تشویش کا اظہار کرتے ہوئے کہاہے کہ ملک میں جب تک احتساب کاعمل بلاخوف وخطر شروع نہیں ہوجاتا کرپٹ عناصرکااس وقت تک پاکستان سے قلع قمع نہیں ہوسکتا۔
مسلم لیگ (ن)نے اپنے تین سالہ دور حکومت میں280ارب روپے کے قرضے معاف کیے ہیں۔انہوں نے کہاکہ میڈیا کی رپورٹ کے مطابق سالانہ4325ارب روپے کی کرپشن حکمرانوں کی کارکردگی پر سوالیہ نشان اور ملکی معیشت کے استحکام کے لئے سنگین خطرہ ہے۔اگر4325ارب روپے کو20کروڑکی آبادی میں تقسیم کریں توفی کس 21625روپے کا عوام کو ریلیف میسر آتاہے۔(جاری ہے)
حکمرانوں کو ٹیکس چوری کے خاتمے،کرپشن کی نذرہونے والی رقم عوام کی فلاح وبہبود پر خرچ اور اپنی شاہانہ انداز میں زندگی کوختم کرکے ملک وقوم کے لئے سنجیدگی سے اقدامات کرنے ہوں گے۔
انہوں نے کہاکہ موجودہ دور حکومت میں بدقسمتی سے پاکستان معاشی وسیاسی عدم استحکام کے باعث تنزلی کا شکار ہے۔حکمران عوام کو ریلیف کے نام پر دھوکہ اور ان کے خون پسینے کی کمائی ٹیکسوں کے ذریعے وصول کرکے اقتدار کے مزے لوٹ رہے ہیں۔معاشی اعداد وشمار کے بین الاقوامی ادارے پاکستان کی معاشی زبوں حالی پر تشویش کا اظہار کررہے ہیں۔ایک طرف قوم کابال بال قرضوں میں جکڑاہواہے۔ہر پاکستانی ایک لاکھ روپے تک کا مقروض ہوچکا ہے تودوسری جانب قرضے معاف کرکے عوام کے زخموں پر نمک پاشی کی جارہی ہے۔میاں مقصود احمد نے حکومت سے مطالبہ کرتے ہوئے کہاکہ حکومت جلد ازجلداحتساب کا عمل شروع کرے۔کرپشن میں ملوث افراد کو کسی بھی قسم کی رعایت نہیں ملنی چاہئے خواہ ان کا تعلق کسی بھی سیاسی جماعت ،گروہ یا ادارے سے ہی کیوں نہ ہو۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
