فیس بُک انتظامیہ نے پاکستانی اداکار حمزہ علی عباسی کا فیس بُک پیج بلاک کر دیا

سمیرا فقیرحسین ہفتہ 23 جولائی 2016 13:15

کراچی(اُردو پوائنٹ تازہ ترین اخبار۔23 جولائی 2016ء) : سماجی رابطے کی ویب سائٹ فیس بُک کی انتظامیہ نے پاکستانی اداکار حمزہ علی عباسی کا فیس بُک پیج بلاک کر دیا ہے ۔ تفصیلات کے مطابق حمزہ علی عباسی کو ان کے فیس بُک پیج پر بولڈ اور بے باک گفتگو کے لیے جانا جاتا ہے۔ کوئی بھی مسئلہ ہو یا ملک کی کسی بھی صورتحال پر حمزہ علی عباسی نے ہمیشہ ہی سے اپنے بے باک انداز میں اس پر اپنے خیالات کا اظہار کیا لیکن یوں معلوم ہوتا ہے کہ فیس بُک انتظامیہ کو ان کی یہ ادا پسند نہیں آئی جس پر انہوں نے حمزہ علی عباسی کا فیس بُک پر موجود پیج تین دن کے لیے بلاک کر دیا ہے۔

فیس بُک انتظامیہ کے اس اقدام کے پیچھے مسئلہ کشمیر اور برہان وانی کی شہادت پر حمزہ علی عباسی کا دیا گیا اسٹیٹس تھا۔

(جاری ہے)

حمزہ علی عباسی نے فیس بُک انتظامیہ کے اس اقدام کو مائیکرو بلاگنگ ویب سائٹ ٹویٹر پر تنقید کا نشانہ بنایا اور کشمیر کے حق میں آواز بُلند کی۔

Banned again for 3 days. Now FB will tell us who is and isnt a terrorist. #KashmirUnrest #Kashmir #KashmirSiege pic.twitter.com/iIeHKV4iIw
— Hamza Ali Abbasi (@iamhamzaabbasi) July 22, 2016

خیال رہے کہ اس سے قبل بھی حمزہ علی عباسی کا فیس بُک اکاؤنٹ کشمیر پر بات کرنے کے پر بند کر دیا گیا تھا۔

My FB accnt deactivated for talking abt KASHMIR. #Kashmir #FreeKashmir #RIPFreedomOfExpression pic.twitter.com/JH0XRAYEa2
— Hamza Ali Abbasi (@iamhamzaabbasi) July 18, 2016