آزادکشمیر میں مسلم لیگ ن کی فتح عوام کے وزیراعظم محمد نواز شریف پر بھر اعتماد کا نتیجہ ہے،عوامی عدالت نے مسلم لیگ کو کا میاب کروا کر الزامات لگانے والوں کے سر شرم سے جھکا دئیے ہیں، پاکستان کی طرح کشمیر میں بھی ترقی کے تمام سابقہ ریکارڈ توڑ دیں گے

لاہور۔22 جولائی(اُردو پوائنٹ اخبارتازہ ترین - اے پی پی۔22 جولائی ۔2016ء ) پاکستان مسلم لیگ(ن) کی ممبر صوبائی اسمبلی حنا پرویز بٹ‘کلچرل ونگ پنجاب کی صدر مسز ملک‘ممبر صوبائی اسمبلی فرزانہ بٹ ‘پارلیمانی سیکرٹری رانا محمد ارشد نے مسلم لیگ ن کی کشمیر قا نو ن سا ز اسمبلی میں تا ریخی کا میا بی پر کہا ہے کہ یہ کا میا بی میا ں محمد نواز شر یف کی کا میا ب سیا سی و معا شی کشمیر پا لیسیو ں کی بد ولت ہے اور کشمیر ی عوام نے بھی دھر نا پارٹی کو یکسر مسترد کر دیا ہے اور کشمیر ی عوام نے ملک و قوم کو خو شحال بنا نے والی قیا دت کو چنا ہے ، یہ کا میا بی کشمیر یو ں کی محمد نواز شر یف سے والہا نہ محبت اور کا میا ب کشمیر پا لیسیوں کا نتیجہ ہے ۔

(جاری ہے)

عوامی عدالت نے مسلم لیگ کو کا میاب کروا کر الزامات لگانے والوں کے سر شرم سے جھکا دئیے ہیں، پاکستان کی طرح کشمیر میں بھی ترقی کے تمام سابقہ ریکارڈ توڑ یں گے۔ انہوں نے کہا کہ پانامہ لیکس کا رونا رونے والے اب دھاندلی کے الزامات لگانے لگے ہیں جس طرح 2014میں سڑکوں پر ذلیل وخوار ہوئے اب دھرنا دیا توانکی حالت پہلے سے بھی زیادہ بری ہوگی، عوام سمجھ دار ہیں کسی کھلاڑی یا مداری کی باتوں میں نہیں آنے والے ،عوام کو پتاہے کہ ملک میں کتنے سالوں بعد ترقی کا پہیہ چلا ہے جس کو اب کوئی نہیں روک سکتا۔